Контакт
contact@kb.com.mk

контакт центар:
(02) 3 296 800

Н О В О С Т И



24.02.2017 - Тринаесети пат Комерцијална наградена од ЕБРД


Европската банка за обнова и развој по тринаесетти пат ја награди Комерцијална банка како најактивен учесник во EBRD TFP - Trade Facilitation Program – програма за унапредување на меѓународната трговија во глобални рамки. Наградата ќе биде ѝсвечено доделена на ЕБОР Бизнис форумот на 26-та годишна средба на Одборот на гувернери во Кипар на 09.05.2017 година.  

 

Наградата се доделува еднаш годишно и се однесува на обемот и квалитетот на издадени акредитиви и гаранции со цел поддршка на надворешната трговија. Преку оваа програма вработените имаа можност да ги сертифицираат своите специфични знаења со полагање испити (7 модули) од областа на меѓународната трговија и пракса. Наедно, тимот од Секторот за односи со странство постигна одлични резултати, признанија и промоција во својата фела.

 

Оваа награда претставува уште еден поттик за вработените и потврда за комитентите дека Комерцијална банка АД Скопје и во меѓународни рамки останува една од најтранспарентните и најреномирани банки во Република Македонија.






10.11.2017 – 20% попуст во Sport Vision со Mastercard® на Комерцијална банка


Нова ексклузивна акција со Mastercard® картичките на Комерцијална банка.

 

Секој вторник во ноември добивате 20% попуст во сите продавници на Sport Vision во Македонија доколку платите со Mastercard® или Maestro картичка на Комерцијална банка.

 

Попустот од 20% важи за целиот асортиман на производи и се пресметува и на веќе намалените акциски цени.

 

Истиот важи и за еднократно плаќање и за плаќање на рати, а се пресметува директно на каса при плаќање со Mastercard® и Maestro картичките на Комерцијална банка, секој вторник во ноември 2017 година.

 

Master_nova



10.11.2017 - Банката спонзор на Фестивалот „Златно славејче 2017“


Од 16 до 18 ноември, во спортската сала „Борис Трајковски“ во Скопје по 47-ми пат ќе се одржи Фестивалот „Златно славејче“.

Банката, како општествено одговорна компанија која го следи развојот на младите поколенија, дванаесет години по ред е спонзор на овој најпрестижен детски фестивал во Републиката. И оваа година златните славејчиња повторно ќе застанат на сцената и ќе ги отпеат своите хитови.

За таа цел се подготвени нови, досега необјавени детски композиции, во придружба со кореографија, кои публиката ќе може да ги слушне на фестивалските вечери.




27.10.2017 - Штедни книшки (Верверичка)


По повод 31 Октомври - Светскиот ден на штедењето, Банката ќе им отвори штедни книшки – Детско штедење „Верверичка“ со износ од 5.000,00 денари и исто толку штедни касички на сите деца кои ќе се родат на 31 октомври од 00:00 до 24:00 часот во Скопје и во други градови во Републиката во кои Банката има свои филијали и/или експозитури.

Средствата ќе им бидат исплатени само на оние лица кои документите ќе ги достават најдоцна до 31.12.2017 година.

 

Оваа година по тринаесетти пат ќе се доделат штедните книшки „Верверичка“ и касичките, а до сега во просек секоја година по 45 семејства им се радуваат на средствата што нивните најмили ги добиваат од Комерцијална банка АД Скопје.

 







А Р Х И В А