Контакт           24/7
contact@kb.com.mk

контакт центар:
(02) 3 296 800

Н О В О С Т И



2.3.2017 година - Комерцијална банка, Спонзор на концертот на Оливер Драгојевиќ и Златан Стипишиќ-Џибони


Комерцијална банка АД Скопје е Спонзор на концертот на Оливер Драгојевиќ и Златан Стипишиќ – Џибони, две музички имиња од просторите на поранешна Југославија, двајца великани на хрватската музичка сцена, кои доаѓаат во склоп на турнејата во чии рамки ќе го претстават својот заеднички албум насловен како „Фамилија“, односно заедничкиот материјал снимен и инспириран од нивни животни приказни и случки, а ќе ги отсвират и своите најголеми хитови.

 

Овој заеднички неколкучасовен музички спектакл ќе се одржи на 4 март во ВИП Арената „Борис Трајковски“.






23.05.2017 - Банкарски игри - Натпреварувачи во сите категории


На годинешните банкарски игри, организирани од страна на Синдикатот на финансиски организации на Македонија (СФОМ), учествуваа 12 финансиски институции.

 

Комерцијална банка АД Скопје имаше натпреварувачки екипи во сите категории, а резултатите што истите ги постигнаа се следните:

 

1. Прво место

   Куглање мажи и Пикадо

 

2. Второ место

    Пинг понг мажи, Одбојка жени и Куглање жени

 

3.Трето место

   Баскет жени, Одбојка мажи, Пинг понг жени и Шах

 

Во генералниот пласман екипата на Комерцијална банка АД Скопје го освои третото место.

Благодарност за сите учесници на банкарски игри и честитки за најдобрите натпреварувачи.

 

slika 1

 

bankarski igri 2

 

Bankarski igri 3

 

Bankarski igri 4



16.05.2017 Комерцијална банка спонзор на две културни манифестации


Фестивал „Прозорец кон италијанската кинематографија“

 

Комерцијална банка АД Скопје е спонзор на Италијанскиот филмски фестивал насловен како „Прозорец кон италијанската кинематографија“ кој ќе се одржи во периодот од 17 до 23 мај во Кинотеката на Македонија.

 

Фестивалот ќе започне со драмата „Акабадора“ на режисерот Енрико Пау, а на 23 мај ќе биде затворен со „Виновгрев“, филм од жанрот црна комедија.

 

„Мал битолски Монмартр 2017“

 

Банката и оваа година традиционално ќе ги поддржи младите со спонзорирање на 36-тиот по ред детски ликовен фестивал „Мал битолски Монмартр 2017“, кој и оваа година ќе се одржи во Битола во периодот од 23 до 30 мај 2017 година.

На овој Фестивал учениците ќе творат на традиционалната тема „Старата македонска архитектура“ во Битола и на  ликовните каравани во Охрид и во Крушево.

Детскиот ликовен фестивал „Мал битолски Монмартр“ претставува светска културно-образовна манифестација која го развива детското ликовно творештво преку учество на млади ликовни таленти од сите меридијани и дава непроценлив придонес за афирмација на Република Македонија.




15.05.2017 - Презентација на Саем на банки и финансиски институции


Во периодот од 12 до 14 мај 2017 година во трговскиот центар Skopje City Mall, во организација на порталот bankarstvo.mk, беше одржан Саемот на банки и финансиски институции. На саемот учествуваа 9 (девет) банки и финансиски институции од Република Македонија. 

 
Комерцијална банка АД Скопје, како еден од учесниците на овој саем, се претстави со свој промотивен штанд, на кој беа презентирани актуелните картични и кредитни производи на Банката. На штандот на Банката сите заинтересирани посетители можеа да добијат и дополнителни информации за сите прашања кои ги интересираа од презентерите на штандот, вработени во Комерцијална банка. 
 
CityMall



09.05.2017 - Комерцијална банка со учество на Скопскиот маратон


Над 12 вработени во Комерцијална банка беа учесници на традиционалниот 13. Скопски маратон кој се одржа на 07.05.2017 година. Банката учествува на Скопски маратон од 2012 година, а оваа година тимовите на Комерцијална ги трчаа следните дисциплини:

 

Полумаратон - 21 км ( 4 учесници)

Машка штафета - 4 учесници по 10,5 км

Женска штафета – 4 учесници по 10,5 км

 

Од сите учесници во дисциплината полумаратон најголем успех постигна  колегата  Маријан Шамоски (28 г), најмладиот од сите учесници,  кој  21 км истрча за 1 час и 30 мин  и го освои 45-тото место (од 1.110 учесници на полумаратонот). Следната година Маријан има желба да трча на маратон од 42 км во име на Комерцијална Банка. Машката штафета од 46 екипи го освои 40-тото место. Женската штафета, од 25 пријавени екипи, го освои 16-тото место.

 

Ова се секако солидни резултати , но и поттик за сите кои и во иднина ќе сакаат да го носат логото на Банката и да остварат уште подобри резултати на Скопски маратон.

 

KBTrcaci

 

Trcaci1

 

Trcaci2






А Р Х И В А