Контакт           24/7
contact@kb.com.mk

контакт центар:
(02) 3 296 800

Н О В О С Т И



20.04.2017 - Годишен извештај на Банката за 2016 година


Комерцијална банка АД Скопје го објави Годишниот извештај за 2016 година кој е достапен на македонски и на англиски јазик.






27.06.2017 - Оглас за вработување програмер


Комерцијална банка АД Скопје објавува оглас за вработување Програмер, 1(еден) извршител на неопределено работно време во Секторот за информатичка технологија.

Потребни квалификации и способности:

  • Завршен Факултет за информатичка технологија ВС VII/1 или 180 кредити;
  • Познавање на програмски алатки за развој на мобилни апликации на iOS и/или Android платформа;
  • Апликативна примена на MS SQL бази на податоци; T-SQL;
  • Опционо познавања од: Visual Studio; .NET и Reporting Services;
  • Познавање на англиски јазик;
  • Со најмалку 2 години работно искуство.

 

Работно време:  40 часа неделно, понеделник до петок: од 08:00 до 16:00 часот

Почетна основна нето плата:  од 43.000,00 денари 

Огласот трае 9 дена, сметано од денот по објавувањето на огласот. Изборот ќе се изврши во рок од 30 дена од датумот на истекот на огласот.

Заинтересираните кандидати кои ги исполнуваат горенаведените критериуми потребно е да пратат кратка биографија (CV), мотивационо писмо и уверение за завршено образование на следната адреса: Комерцијална банка АД Скопје, Ул.Орце Николов бр.3, 1000 Скопје, или на e-mail адреса aplikacijazavrabotuvanje@kb.com.mk со назнака: “Oглас за вработување на Програмер во Комерцијална Банка АД Скопје”

                                                                  

Лице за контакт: Јасна Вангеловска тел: 02-3168-463. Повеќе информации за огласот на следниот линк.

                                                                  

Некомплетната документација и документацијата доставена по истекот на рокот за аплицирање нема да биде разгледувана.

На интервју ќе бидат повикани само апликантите кои ќе влезат во потесен круг.




14.06.2017 – E-mail известувања според интересите на клиентите


Комерцијална банка АД Скопје со задоволство го најавува почетокот на редовна комуникација со своите клиенти преку електронска пошта (e-mail).

 

Отсега, клиентите ќе можат да добиваат e-mail известувања за најновите производи, промоции, подобрувања на услугите и други новитети кои ќе бидат од нивен интерес.

 

Клиентите - физички лица ќе можат самите да изберат теми од интерес за известувања, и тоа во следните области:

  • картички
  • штедење
  • кредити и
  • други производи и услуги (сметки, Интернет банка, сефови, хартии од вредност итн.)

 

Известувањата ќе се испраќаат исклучиво согласно изборот на клиентот, а ќе биде отворена и можноста за промена на темите од интерес или целосно откажување на приемот.

 

Вклучувањето на опцијата и изборот на теми од интерес може да се направи преку Интернет банката, мобилната апликација „мБанка“ или на шалтерите во која било експозитура или филијала на Банката.




13.06.2017 - Крводарителски натпревари


Во периодот од 09 до 11.06.2017 година во хотел „Бисер“ во Струга од страна на Црвениот Крст на РМ беа организирани крводарителски спортски игри на кои учество земаа крводарители од неколку компании и  организации: „Баргала“ Штип, Макпетрол, Окта, ЈСП - Скопје, Комерцијална банка и Клубот на крводарители од Скопје. Игрите поминаа во спортски дух и дружење, а екипите се натпреваруваа во трчање на сто метри, трчање со вреќа, влечење јаже, скок во далечина, фрлање ѓуле, пикадо, пинг понг, шутирање тројки, шах и јадење шампита.

 

Крводарителите на Комерцијална банка учествуваа во сите дисциплини, а освоија и неколку први награди и тоа во: фрлање тројки (мажи) - прво место, јадење шампита (мажи) - прво место, пинг-понг (жени) - прво место. Честитки за хуманите натпреварувачи.

 

Krivodariteli2017



8.6.2017 - Комерцијална банка спонзор на Камерниот оркестар „Скопски солисти“


Комерцијална банка АД Скопје е спонзор на гала-концертот на Камерниот оркестар „Скопски солисти“ на кој како солист ќе настапи националниот уметник и амбасадор на УНЕСКО, баритонот Борис Трајанов, а целиот концерт ќе го води познатиот маестро Андреј Андреев од Бугарија. Концертот ќе се одржи во Домот на АРМ на 8.6.2017 година.







А Р Х И В А