Контакт
contact@kb.com.mk

контакт центар:
(02) 3 296 800

Н О В О С Т И



11.07.2017 – Наградна игра „Биди дел од фудбалската историја! Со Mastercard® од Комерцијална банка АД Скопје на УЕФА Супер купот“


Започнува голема наградна игра на Комерцијална банка и MasterCard® по повод УЕФА Супер купот во Скопје!

 

Во периодот од 12 до 26 јули 2017 година, секоја трансакција на продажни места направена со дебитна или кредитна картичка од сите програми на Mastercard® на Комерцијална банка од најмалку 600,00 денари, ќе носи една шанса во Наградната игра и можност да ги гледате Реал Мадрид и Манчестер Јунајтед во живо.

 

Доделуваме 10 (десет) комплети од по 2 (два) билета за УЕФА Супер купот кој ќе се одржи на 8 август 2017 година во Скопје, оригиналната фудбалска топка која ќе се користи за време на натпреварот, 20 (дваесет) гифт-картички за трговскиот центар „Скопје Сити Мол“  во вредност од 3.000,00 денари и 80 (осумдесет) гифт-картички во вредност од 1.000,00 денари.

 

Во Наградната игра учествуваат сите транскции направени на продажни места во Република Македонија, како и E-commerce трансакции (плаќање преку Интернет) на македонски интернет-портали. Секоја трансакција од најмалку 600,00 денари носи една шанса, што значи колку повеќе плаќате – толку повеќе шанси добивате да бидете дел од фудбалската историја.

 

Извлекувањето на наградите ќе се изврши на 28.07.2017 година, а списокот на добитници ќе биде објавен на интернет-сајтот на Комерцијална банка.

 

Правила на наградната игра „Биди дел од фудбалската историја! Со Mastercard® од Комерцијална банка АД Скопје на УЕФА Супер купот“

 

UEFA





21.11.2017 - Известување од филијалата во Гостивар


Почитувани клиенти,

 

Ве известуваме дека на ден 25 ноември (сабота), 02 декември (сабота) и 09 декември (сабота) 2017 година, филијалата Гостивар нема да работи поради изведување на градежно занаетчиски работи.




10.11.2017 – 20% попуст во Sport Vision со Mastercard® на Комерцијална банка


Нова ексклузивна акција со Mastercard® картичките на Комерцијална банка.

 

Секој вторник во ноември добивате 20% попуст во сите продавници на Sport Vision во Македонија доколку платите со Mastercard® или Maestro картичка на Комерцијална банка.

 

Попустот од 20% важи за целиот асортиман на производи и се пресметува и на веќе намалените акциски цени.

 

Истиот важи и за еднократно плаќање и за плаќање на рати, а се пресметува директно на каса при плаќање со Mastercard® и Maestro картичките на Комерцијална банка, секој вторник во ноември 2017 година.

 

Master_nova



10.11.2017 - Банката спонзор на Фестивалот „Златно славејче 2017“


Од 16 до 18 ноември, во спортската сала „Борис Трајковски“ во Скопје по 47-ми пат ќе се одржи Фестивалот „Златно славејче“.

Банката, како општествено одговорна компанија која го следи развојот на младите поколенија, дванаесет години по ред е спонзор на овој најпрестижен детски фестивал во Републиката. И оваа година златните славејчиња повторно ќе застанат на сцената и ќе ги отпеат своите хитови.

За таа цел се подготвени нови, досега необјавени детски композиции, во придружба со кореографија, кои публиката ќе може да ги слушне на фестивалските вечери.




27.10.2017 - Штедни книшки (Верверичка)


По повод 31 Октомври - Светскиот ден на штедењето, Банката ќе им отвори штедни книшки – Детско штедење „Верверичка“ со износ од 5.000,00 денари и исто толку штедни касички на сите деца кои ќе се родат на 31 октомври од 00:00 до 24:00 часот во Скопје и во други градови во Републиката во кои Банката има свои филијали и/или експозитури.

Средствата ќе им бидат исплатени само на оние лица кои документите ќе ги достават најдоцна до 31.12.2017 година.

 

Оваа година по тринаесетти пат ќе се доделат штедните книшки „Верверичка“ и касичките, а до сега во просек секоја година по 45 семејства им се радуваат на средствата што нивните најмили ги добиваат од Комерцијална банка АД Скопје.

 







А Р Х И В А