ОДГОВОРИ НА НАЈЧЕСТО ПОСТАВУВАНИ ПРАШАЊА

Почитувани посетители на нашиот сајт,

Во рубриката “Одговори на најчесто поставувани прашања“ ќе бидат објавувани прашања што ни ги доставувате преку рубриката “Постави прашање, остави рекламација или пофалба“, а кои имаат за цел појаснување на процедурите, условите и производите и услугите што ги нуди Банката и одговори на прашањата, подготвени од надлежните служби и лица во Банката. Сакаме да нагласиме дека прашања што се повторуваат повеќепати, како и личните информации и недоличните обраќања до Банката нема да бидат објавувани.

НАЈЧЕСТО ПОСТАВУВАНИ ПРАШАЊА ОД ГРАЃАНИ

Платежни картички Прашање: Како да извадам извод за маестро картичката? Одговор: Почитувани, Извод од денарската и девизната сметка поврзани со Маестро дебитната картичка можете да извадите на шалтерите во сите експозитури на Комерцијална банка АД Скопје. За следење на состојбата и прометот на сметката можете да ја користите и услугата Интернет банка, за што ќе треба да поднесете барање за интернет пристап во најблиската експозитура каде име шалтер за тековни сметки. Прашање: На дебитната картичка Маестро кога ќе се стави во банкоматот покажува дека ја има одредената сума на денари, а при пишување дека сакаме да извадиме одредена сума пишува дека лимитот ни е надминат. Одговор: Маестро картичката има дневен лимит за користење на средства, кој има заштитна функција. Ве молиме да се обратите во Центарот за авторизација на телефон 3107-310 со цел проверка на дневниот лимит. Центарот за авторизација функцуионира 24 часа. Прашање: Сакам да Ве прашам околу дебитните картички, дали одобрувате дебитни картички на студенти (вонредни) и кои се условите, колку е лимитот и кои се каматите? Одговор: Корисник на Maestro дебитна картичка може да биде секое физичко лице државјанин на Република Македонија. За одобрување на дебитна картичка потребно е во Банката да се достави пополнето барање за Maestro картичка со копија од лична карта и пасош од барателот. Кредитен лимит на дебитни картички не се одобрува, имено трошите Ваши средства, колку имате толку може да потрошите. Прашање: Заинтересиран сум за MasterCard кредитна картичка. Ме интересираат следниве детали кои се надевам дека ќе ми ги дообјасните. Да речеме имам картичка на која имам 30.000,00 денари. Сакам да купам ДВД + ТВ што би чинело некаде околу 15.000 денари, но би сакал да купам на повеќе рати. Дали од основните 30.000,00 денари ми се одбиваат сите 15.000,00 денари или само ратата? Исто така би сакал да купувам и преку интернет, па дали можам со иста картичка да работам на тие 2 “фронта”? Одговор: Кај MasterCard Revolving кредитната картичка за вкупниот потрошен месечен износ, имате обврска за враќање од минимум 10%. За конкретниот пример што сте го навеле, доколку имате кредитен лимит од 30.000,00 денари, а купувате во износ од 15.000,00 денари, целиот износ се евидентира на сметката, а до 12-ти следниот месец (бескаматен период) имате обврска за плаќање од 1.500,00 денари. Со оваа картичка можете да плаќате и на интернет. Прашање: Дали може од Англија да испратам пари на картичка, дали се наплаќа провизија и преку која банка е најдобро да се направи таа трансакција? Одговор: Начинот на испраќање на парите зависи од типот на картичката. Провизија за прилив не се наплаќа. Во врска со банките во принцип не е битно од кој банка ќе ги испратите парите, но за Ваша информација Комерцијална банка соработува т.е. има сметки во NatWest и Barclays Bank. Исто така потребно е да поседувате документ (виза или друг документ) за регулиран престој во Англија на период поголем од 6 месеци. Прашање: Нешто повеќе за исплата на плати во јавната администрација преку Вашата банка? Одговор: За сите услови за исплата на плати преку платежни картички за јавната администрација информирајте се со кликање на Понудата за платежни картички за вработени во јавната администрација. Прашање: Имам тековна сметка. Сакам платата да ја префрлам на MasterCard. Што треба да направам? Одговор: Доколку сакате платата да ја примате на Maestro дебитна картичка, потребно е само да поднесете барање за истата во најблиската експозитура во која има шалтер на тековни сметки. Откако ќе ја извадите картичката, во Вашата работна организација кажете го бројот на сметката и на истата ќе Ви ја префрлат платата. Прашање: Дали и каде надвор од Република Македонија MasterCard девизна може да се користи? Одговор: Сите MasterCard картички на Комерцијална банка (со исклучок на домашната MasterCard која се користи само во Република Македонија) можат да се користат насекаде низ светот каде се прифаќаат картичките со знакот MasterCard, освен во Кина, Хонг Конг, Малезија, Тајланд, Макао. Во овие земји картичките се блокирани од безбедносни причини и можат да се користат само на банкомати на банки чии главни седишта се надвор од блокираните земји. Прашање: На колку рати можам да купам, на пример, шпорет од Техно маркет преку Вашата банка? Одговор: Доколку поседувате MasterCard Revolving кредитна картичка, со одобрен кредитен лимит во висина на цената на она што сакате да го купите, за отплата на долгот може да враќате минимум од 10% од вкупниот долг месечно. Значи бројот на рати го дефинирате самите, внимавајќи единствено месечната рата да биде најмалку 10% од долгот. Прашање: Со “картичките за плати” дали ќе може да се плаќа на рати како со чековите и дали тековните сметки ќе останат заедно со картичките? Одговор: Со Maestro картичките (“картичките за плата”) не може да се плаќа на рати, а што се однесува до тековните сметки остануваат да функционираат заедно со картичките. Како замена за плаќање на рати е MasterCard Revolving кредитната картичка, кај која како месечна обврска за плаќање на корисникот е 10% од вкупниот потрошен износ (минусно салдо). Прашање: Ако си го заборавиш PIN-от како треба да се постапи? Одговор: Доколку корисникот на картичката го заборави PIN-от, потребно е да се обрати до било кој шалтер на Комерцијална банка АД Скопје со барање за повторно издавање на PIN. За услугата Банката наплатува провизија од МКД 118,00 за Маестро, односно МКД 236,00 за MasterCard картичка. Прашање: Дали во Маџари ќе се постави банкомат бидејќи мора да одиме во Автокоманда, каде е најблискиот банкомат? Одговор: Банката планира да стави банкомат во Маџари најдоцна до крајот на првиот квартал 2007 година. Прашање: Имам интернет пристап до мојата тековна и жиро сметка преку две различни лозинки. Сега имам и Maestro, но немам увид во неа ниту преку една од двете лозинки. Побарав пристап ми одговорија нема потреба можете слободно да пристапите, но сепак не можам, каде е проблемот? Одговор: Со истото корисничко име што го имате за следење на состојбата на тековната сметка имате можност да ги следите состојбите на сите сметки отворени во Банката на Ваше име. Во случајов најдобро е да се јавите на телефонот за техничка поддршка при користење на Интернет 3 107-314 и да се разгледа во што е конкретниот проблем. Прашање: Како може да ја следам состојбата на Maestro картичката на Интернет? Одговор: За следење на состојбата на сметките од Вашата дебитна картичка, потребно е да одите во најблиската експозитура на Комерцијална банка каде има шалтер за тековни сметки. Ќе добиете корисничко име, лозинка за прво најавување и упатство за најавување на web страницата. Прашање: Дали и од каква сметка од Комерцијална банка може да се плаќа кредит од кредитна картичка во USA преку Интернет? Одговор: Можноста на E-banking за меѓународни плаќања сеуште не е овозможена , а причината е сложената законска регулатива кој ја регулира оваа материја. Но, затоа Ви останува можноста да таквите плаќања ги вршите со банкарски трансфер, од Ваша девизна сметка во Комерцијална банка. Ако не ја поседувате тогаш постои можноста да ја отворите. Ваквите плаќања подлежат на одредена документарна контрола, за која во Вашиот случај се состои во тоа што треба да поседувате виза за престој на период од 6 месеци и повеќе, со кој е регулиран Вашиот престој. Поради специфичноста на ваквите трансфери, најдобро е да се јавите во Банката на тел: ++389 2 3 107-336/423 или на e-mail ljkotevski@kbnet.com.mk. Прашање: Ме интересира дали можеме да добиеме кредитна картичка, а да не сме вработени? Дали е можно со жиранти или депозит? Одговор: Доколку не сте во редовен работен однос, корисник на кредитна картичка MasterCard Revolving можете да станете доколку депонирате депозит во износ од 110% од бараниот лимит. Во прилог на барањето треба да доставите копија од лична карта и пасош. MasterCard Revolving кредитна картичка може да се користи во земјата и странство. Вашата обврска за плаќање е минимум 10% од потрошениот износ во текот на месецот. Обврската за плаќање е од 1-ви до 12-ти следниот месец. За трансакции во трговија, имате бескаматен период од 42 дена. Тековни сметки Прашање: Почитувани, Ве молиме да ми одговорите, доколку имам сметка во друга банка, различна од Вашата и сакам да префрлам пари од таа сметка на сметка на Комерцијална, дали има провизија и ако има колку е? Благодарност однапред Одговор: Почитувана Г-ѓа Бојчева, Комерцијална банка АД Скопје, не може да Ви даде информација за вашите сметки во други банки, затоа што како прво, нема увид за истото и второ, доколку имаше, не би можела да Ви соопшти по електронски пат. Истото ова важи и за надоместоците кои се однесуваат за префрлување на средства од Вашите сметки во други банки, на Вашата сметка во Комерцијална банка. Надоместоците по кои ги тарифираат услугите во платниот промет е политика на секоја банка и за истото ќе треба да се обратите на банките каде поседувате сметки. Срдечен поздрав Прашање: Дали на денарската жиро сметка може да бидат уплатени девизни средства од странство и истите да ми бидат исплатени во девизи? Одговор: Во трансакциите за трансфер на пари каде се користи странско платежно средство не може да се користат денарските сметки. Од тука и на сметката што ја посочувате не може да се уплатат (искнижат) странски платежни средства. За таа намена, ќе мора да отворите девизна сметка, на која ќе можете да добивате девизни приливи во сите валути кои се наведени во курсната листа на НБРМ. Прашање: Ме интересира до кога ќе издавате чекови на Вашите корисници на тековни сметки. Дали после април 2007 ќе продолжите и понатаму со издавање на чекови? Одговор: Временско ограничување во поглед на престанокот на издавање на чекови на своите комитенти, иматели на тековни сметки, не постои. Банката и по април 2007 година ќе издава чекови, согласно критериумите за издавање на чекови, се додека не дојде до измени во регулацијата за овој вид платежен инструмент. Прашање: На која web адреса да ја проверам состојбата на мојата тековна сметка? Одговор: Веб адресата за увид во состојбата на тековна сметка е https://www.kbnet.com.mk. Но претходно треба да поднесете барање за интернет пристап и да Ви се додели корисничко име. Прашање: Колку изнесува најголемиот износ што може да го подигнеме од Банката? Одговор: Доколку подигнувате како правно лице износот е лимитиран само од расположивото салдо на Вашите средства. Доколку подигнувате како физичко лице во Централата на Банката во Скопје и сите експозитури и филијали во Републиката во принцип нема ограничување, меѓутоа ако тоа е во попладневните часови и износот е прилично голем го најавувате тогаш, а го подигнувате наредниот ден. Во експозитурите во Скопје физичко лице може да подигне готовина до 600.000,00 денари. Прашање: Дали Банката треба да зема провизија на пари кои се уплаќаат како личен доход. Се работи за странска валута односно за долар? Одговор: Ако средствата Ви пристигаат преку девизниот платен промет постои можност истите да бидат третирани како плата и во тој случај Банката не наплаќа провизија. Но за да средствата добијат третман на личен доход, ќе треба да го информирате налогодавачот во налогот со инструкции да стави дека тоа е личен доход или до Банката да доставите документ од кој видно и недвосмислено се гледа дека Вие сте во работен однос со налогодавачот и висината на платата. За дополнителни информации, слободно може да се јавите на следните телефони: (02) 3 107-134; (02) 3 107-336; (02) 3 107-186. Прашање: Ако сакам да работам за некоја компанија на интернет, “платата” односно “надоместоците” што треба да ги добивам од таму треба да дојдат на некоја овдешна сметка. Ве молам објаснете ми која варијанта е најпогодна (од сите Ваши сметки, картички итн.) што Вашата банка ја има за примање на парични средства од странски компании. Да напоменам дека компаниите на интернет бараат да им се достават следниве податоци ако сакам средствата да ми стигнуваат во Македонија:   -  Име на Банката;   -  Вид на сметката;   -  Број на сметката;   -  Routhing број/АБА број;   -  Име на сопственикот на сметката. Која од Вашите понуди ги задоволува горенаведените услови? Одговор: Податоците што Ви ги бараат за трансфер можно е да ги добиете и од нашата Банка. За таа цел е потребно да поседувате девизна сметка во нашата Банка. Сметката што е на Маестро-то работи само во валута ЕУР. Значи ќе мора да се отвори нова која ќе работи во сите валути. За таа цел е потребно во Вашата банка каде што имате сметка заедно со вработен во Банката да го пополните нашиот формулар. Откако ќе го пополните заедно со фотокопија од Вашата лична карта или пасош - македонски, ќе ги испратите до нас и ние ќе Ви отвориме сметка во одсуство и истата ќе Ви ја соопштиме. Останати потребни податоци:   1. Комерцијална Банка АД Скопје     Кеј Димитар Влахов 4     1000 Македонија   2. Saving   3. Бројот на сметката дополнително ќе Ви го кажеме   4. Ние не поседуваме ABA/Routing No. тоа го имаат само банките во USD. Доволен е BIC/SWIFT код:KOBSMK2X   5. И Вашите податоци: Име, презиме и адреса. Прашање: Дали би можеле преку Интернет банка да ја проследуваме сметката на девизна книшка? Одговор: Состојбата на девизна книшка не можете да ја следите преку Интернет банка. Таква можност се нуди само за девизните сметки. Прашање: Би сакал да Ве запрашам како можам да добијам годишен извештај за 2006-07 год. од мојот девизен банковен рачун филијала Куманово? Дали истиот можете да ми го пратите на мојот e-mail, бидејќи не сум моментално во Македонија, а истиот ми е потребен за аплицирање за виза овдека во Кувајт. Благодарам однапред. Одговор: Поради сигурност и законската обврска за заштита на личните податоци, не би сакале ваквите информации да ги доставуваме на овој начин. Едно од решенијата е да изводот Ви го доставиме на Вашата домашна адреса во Куманово, а некој од Вашите блиски Ви го препрати во Кувајт. Втората варијанта е да Ви отвориме девизна сметка и во иднина да работите преку истата, затоа што за девизните сметки Банката нуди услуга на следење на прометот преку интернет. Кога ќе се одлучите за некое од решенијата, јавете се за да го реализираме Вашето барање. Кредити за граѓани Прашање: Жител на селото Ореше, се жалеше дека не може да добие кредит за мало стопанство од Комерциална банка (тој спомена и други банки). Причината зошто е одбиен е далечината од Велес. Живеел 55 км подалеку од градот, а можело 50 км. Дали е ова причина клиент да се одбие иако приложил имотен лист дека кредитно способен бидејќи има куќа и е сопственик на дуќан? Одговор: Според Филијала Велес нема странка која е одбиена само заради фактот што живеел на растојание поголемо од 50 км од градот. Прашање: Јас сум заинтересиран за инвестиција во недвижен имот во Македонија и би сакал да знам како би можел да подигнам кредит од вашата банка.Меѓутоа има една пречка јас живеам и работам во New Jersey, Amerika и би сакал да знам дали вие имате директна соработка со некоја американска банка или пак е можна друга опција да се направи за јас да можам да подигнам кредит од вашата банка,се разбира со приложба на сите потребни документи за квалификација.Моето име е Дејан Милески e-mail адреса... dejanbojan@yahoo.com се надевам на позитивен одговор. Одговор: Комерцијална банка АД Скопје одобрува кредити за купување на недвижен имот само на кредитоспособни физички лица кои се вработени во фирми регистрирани на територијата на Република Македонија и на пензионери кои ја примаат својата пензија на трансакциска сметка во Банката.За вработените во странство,државјани на РМ постои можност за одобрување на кредит со залог на бескаматен денарски или девизен депозит. Условите на кредитот се: износ на кредитот 95% од износот на депонираниот депозит,рок на отплата од 120 месеци и номинална каматна сметка од 3% годишно.Корисникот на кредитот има право на квартално ослободување на заложениот депозит во висина на отплатениот дел на кредитот. За повеќе информации посетете ја нашата web страна: www.kb.com.mk Прашање: Дали одобрувате кредити и на лица вработени во странство email radeg@live.it n. tel 00393484782779 Одговор: Комерцијална Банка АД Скопје одобрува кредити само на кредитоспособни физички лица кои се вработени во фирми регистрирани на територијата на Република Македонија и на пензионери кои ја примаат својата пензија на трансакциска сметка во Банката. За вработените во странство постои можност за одобрување на кредит со залог на бескаматен денарски или девизен депозит. Условите на кредитот се: износ на кредитот 95% од износот на депонираниот депозит, рок на отплата од 120 месеци и номинална каматна стапка од 3% годишно. Корисникот на кредитот има право на квартално ослободување на заложениот депозит во висина на отплатениот дел на кредитот. За повеќе информации посетете ја нашата web страна: www.kb.com.mk Прашање: Како можам да земам кредит, работам во приватна фирма и не сум осигуран? Одговор: Почитувани, За да се аплицира за кредит во Комерцијална банка АД Скопје, кредитобарателот мора да е во редовен работен однос, што истовремено подразбира уредно пријавен, со платени придонеси и осигуран. Уште повеќе што за вработен во приватни фирми при аплицирање за кредит се бараат и рекапитулари за последни 3 месеци за платени придонеси и исплатени плати на вработените заверени од Управа за јавни приходи. Значи доколку не сте пријавени како вработен не може да аплицирате за кредит освен за кредит врз основа на залог на денарски или девизен депозит за кој не е потребно да сте во работен однос. Во тој случај се врши блокада на безкаматен депозит за цело времетраење на кредитот, а се одобрува 95% од депонираниот износ со каматна стапка од 3% и максимален рок на отплата од 10 години. Повеќе информации за овој кредит имате на нашата web страна www.kb.com.mk. Прашање: Колку е каматна стапка на орочен депозит на 16 месеци денарски? Одговор: Почитувани, Каматна стапка на денарски депозит орочен на 36 месеци изнесува 8,65%. Сите потребни информации за можностите за штедење во Комерцијална банка можете да ги добиете и на веб страната kb.com.mk во рубриката “Работа со граѓани“, во делот “Штедење“,во графата “Камати“. Прашање: Ме интересира дали можам да аплицирам за станбен хипотекарен кредит доколку имам потрошувачки кредит во друга банка? Одговор: Кредитната задолженост во друга банка, по било кој вид на кредит, влегува при анализата за кредитна способност при аплицирање и за станбен кредит. Банките преку Кредитниот регистар на НБРМ имаат пристап до кредитната изложеност на физичките лица во било која банка во земјата, бројот на задолжувања и редовноста на кредитот. Во зависност од износот и рокот на станбениот кредит за кој сте заинтересирани, износот на долгот кон другата банка, вредноста на хипотеката која би ја понудиле како обезбедување и Вашата кредитна способност односно дали месечниот ануитет би покривал 1/3 од Вашите слободни месечни примања може да се аплицира за станбен кредит. Доколку имате намалена кредитна споспбност, во кредитот може да се вклучат уште двајца ко-кредитобаратели. За повеќе информации посетете ја нашата web страна: www.kb.com.mk Прашање: Сакам да земам кредит. Платата ја примам преку Комерцијална банка. Колку максимум може да земам кредит (висината на платата е 21.200,00 денари, без додатоци)? Кои документи се потребни за апликација? Одговор: Со оглед на тоа што во прашањето не сте прецизирале за каков вид на кредит сте заинтересирани и каде работите, не би можеле најпрецизно да Ви одговориме. Доколку земате плата на платежна картичка преку Банката, може да аплицирате за потрошувачки кредит до 300.000,00 денари со 11,5% годишна каматна стапка и рок на враќање максимум 5,5 години. Месечната рата би Ви изнесувала 6.155,00 денари. Кредитот е со административна забрана без жиранти. Апликација за кредит може да се подигне на шалтерите во Дирекцијата за кредитирање на население во Централата на Банката или да се испечати на web страната на Комерцијална банка АД Скопје www.kb.com.mk на која може да се добијат поконкретни информации и за другите видови кредити. Апликацијата треба да се пополни и потпише во делот општи податоци, како и да се завери и потпише делот за плата и административна забрана од работодавецот. Прашање: Кои обврски ги презема жирантот при одобрување на потрошувачки кредит? Одговор: Жирантот претставува дополнително обезбедување на кредитот. Со пополнување на меницата и меничната изјава презема обврска, во случај на неподмирување на достасани побарувања од страна на кредитобарателот по редовен пат, да ги подмири долговите кон доверителот во случајов Банката. Прашање: Доколку сега поднесам барање за потрошувачки кредит дали ќе ми биде одобрен до пред Нова година. Работам во Народен правобранител во Штип и земам плата преку Комерцијална банка? Одговор:Доколку се исполнети сите потребни услови за одобрување потрошувачки кредит, кредитот ќе Ви биде одобрен веднаш. Аплицирајте во филијалата на Комерцијална банка во Штип. Прашање: Дали давате кредити на невработени луѓе и по кои услови? Одговор:Основен услов за аплицирање за кредит е лицето барател да е во редовен работен однос и со редовни месечни примања. Само доколку се работи за кредит врз основа на залог на депозит или обврзници како извор на отплата, во тој случај барателот не мора да е вработен. Кредитите со залог на депозит се со рок на отплата од 10 години и со 3,5% каматна стапка годишна. Висината на кредитот е 95% од износот на депонираниот депозит. Доколку се работи за кредит со залог на обврзници како извор на отплата, висината на кредитот треба да биде покриена со 170% од номиналната вредност на обврзниците, рок на враќање еднаков на рокот на доспевање на претпоследната рата на обврзниците. Каматната стапка е 8,5% годишна. Отплатата се врши со шестмесечни или годишни ануитети во зависност од рокот на доспевање на ратите на обврзниците. Прашање: Работам во Народен правобранител во Штип и земам плата преку Комерцијална банка. Имам извадено кредит од сто илјади денари. Дали може да извадам уште еден кредит, претходниот кредит го имам извадено пред Нова година? Одговор: Според нашата евиденција сте подигнале кредит од 100.000 денари со рок на враќање 4 години. Имајќи ја во предвид висината на платата, ратата по овој кредит претставува 1/3 од платата. Според тоа не Ви останува слободен дел од платата за нов кредит. Има можност за пролонгирање на рокот на веќе искористениот кредит од 4 години на 5 години и 6 месеци, со што би се намалила ратата и би се ослободил дел од платата и ќе може да аплицирате за уште еден кредит од околу 30.000,00 денари. Прашање: Ве молам да ми пишете за студентски кредити. Ме интересира дали можам да земам студентски кредит за цели кои се индиректно поврзани со факултет, како на пример: плаќање на кирија за стан, опрема за факултет, патни трошоци и тн. Доколку е можно да земам студентски кредит за горенаведените цели, пишете ми кои услови треба да ги исполнам. Одговор: Кредитите за школување се наменски кредити за плаќање на трошоци за школување на институции за средно и високо образование. Висина на кредитот до 3500 евра во денарска противвредност Каматна стапка 9,5 % годишна Рок на враќање до 36 месеци Кон барањето за кредит треба да се приложи фактура или друг документ издаден од образовна институција. Носител на кредит е кредитоспособно физичко лице во редовен работен однос кој може да покрие месечен ануитет со ? од слободните месечни примања и кое ќе остави доказ за запишано одредено образование за себе или за член на потесно семејство. Како членови на потесно семејство се сметаат брачен другар, родител и деца на носителот на кредитот. За трошоци индиректно врзани за факултетот може да аплицира за ненаменски готовински кредит по следните услови: За вработени лица кои своите примања ги примаат на платежна картичка/тековна сметка на Банката: Висина на кредит до 300.000,00 денари Рок на враќање до 66 месеци Каматна стапка 11,5% годишна За лица пензионери депоненти на Банката и лица кои се во редовен работен однос во фирми кои не се депоненти на Банката или не примаат плата на картица/тековна сметка во Банката: Висина на кредит до 150.000,00 денари Рок на враќање до 36 месеци Каматна стапка 11,5% годишна Еден кредитоспособен жирант кој со 1/3 од слободните месечни примања покрива месечен ануитет. Прашање: Ќе ве замолам да ми одговорите дали може неписмено лице да отвори сметка за пензија кај Вас, дали е тоа некаква пречка и што треба да се отвори сметката и да си ја зема сама пензијата на шалтер. Одговор: Почитувани, Неписмено лице може да отвори сметка на која ќе пристигнува прилив од пензија со тоа што е потребно неписменото лице на нотар да овласти друго лице кое во негово име ќе ги потпише сите потребни документи за отворање на сметката, за подигнување на дебитната картичка како и за пријавената пензија да се уплатува на соодветната сметка. Во полномошното треба конкретно да бидат наведени гореспоменатите активности за кои се ополномоштува лицето. Прашање: Колкава висина на кредит може да подигне пензионер со висина на пензија од 10.000,- денари со еден жирант. Одговор: : Почитувани, Со пензија од 10.000,00 денари на 3 години можете да подигнете кредит од 100.000,00 денари со рата од 3.297,00 денари. Каматната стапка е 11,5% годишна променлива. Максимален рок на отплата е 3 години во зависност од староста на кредитобарателот ( до крај на отплата на кредитот кредитобарателот да има 70 години). Потребно е да имате и еден жирант од јавно претпријатие или акционерско друштво. Жирантот не треба да има кредити ( да е кредитоспособен). Платата на жирантот да биде најмалку 10.000,00 денари. Жирантот до крај на отплата на кредитот да има 64 години ( мажи ) и 62 години ( жени). Пензијата треба да се прима на трансакциска тековна сметка во банката.

НАЈЧЕСТО ПОСТАВУВАНИ ПРАШАЊА ОД ТРГОВСКИ ДРУШТВА

Прашање: Колку изнесува најголемиот износ што може да го подигнеме од Банката? Одговор: Доколку подигнувате како правно лице износот е лимитиран само од расположивото салдо на Вашите средства. Доколку подигнувате како физичко лице во Централата на Банката во Скопје и сите експозитури и филијали во Републиката во принцип нема ограничување, меѓутоа ако тоа е во попладневните часови и износот е прилично голем го најавувате тогаш, а го подигнувате наредниот ден. Во експозитурите во Скопје физичко лице може да подигне готовина до 600.000,00 денари. Прашање: Како можам да си проверам извод на мојата жиро сметка во Вашата банка преку интернет? Одговор: Доколку сте правен субјект потребно е да поднесете барање за добивање корисничко име и лозинка за пристап до нашата електронска банка и по нивното добивање можете да ја користите услугата. Освен увид во состојбата можете и да вршите и плаќања електронски, а за тоа е потребно да склучите договор за употреба на електронската банка. Сите потребни документи и барања ги има на нашиот сајт од каде може да ги симнете.

ОСТАНАТИ

Прашање: Може ли едно појаснување во врска со орочените штедни влогови? На пример да орочам 100.000 денари на 12 месеци.Каматната стапка е 7,8%.Дали таа камата се пресметува на месечно ниво и секој месец од каматата би добивал по 7800 ден или пак таа камата е на годишно ниво и секој месец би добивал по 0,65% од уплатениот износ односно 650 денари? Одговор: Почитувани, Каматните стапки на штедните влогови се годишни и променливи.Каматата на штеден влог од 100.000,00 денари орочени на 12 месеци изнесува 7.800,00 денари на годишно ниво. Срдечен поздрав Прашање: Дали добивањето корисничко име и лозинка за следење на сметката преку интернет се наплаќа? Одговор: За добивање корисничко име и лозинка за следење на сметка преку интернет Комерцијална банка АД Скопје не наплатува. Срдечен поздрав Прашање: Ме интересира само кој курс на доларот го следите, затоа што на светски пазар, доларот во однос на еврото вчера беше 1,5554 а со сегашниот курс изнесува 1,57. Одговор: Секогаш се следи движењето на доларот во тек на целиот ден согласно движењата на FX market-от - светска берза… Значи вредноста е секогаш моментално актуелна и се котира (променлива соглсно светските пазарни движења)... Вредноста во курсната листа/ и на Банката е индикативно фиксна и не е одраз на реалните актуелни вредности на доларот во тековниот ден. Курсната листа за менувачко и курсната листа за девизи си имаат своја карактеристика индивидуално... Поради комплексноста на девизниот Пазар генерално (за физички и правни лица), ако е потребно стојам на располагање за подетални објаснувања согласно регулираната интерна процедура на соодветните активности/операции... Со почит, Deposits operation department Ljupco Kotevski,manager Прашање: Ме интересира ако може да ми кажете како можам да платам пари на странска сметка,се работи во случајов за сметка во Словенија на друга банка, дали треба да имам некаква сметка отворено или само да отидам во некоја од вашите филијали и да уплатам? Одговор: Почитуван г-дине,... За трансфер на пари во странство,потребно е да поседувате девизна сметка или книшка и на која ќе треба потребниот износ за испраќање да го ставите на таа сметка/ книшка.Книшката може да ја отворите во сите наши експозитури,а девизните сметки можете само во централата во Скопје и во нашите филијали и еспозитури низ републиката. Освен ова потребни Ви се и инструкции за трансфер т.е.име на примачот, адреса, сметка, IBAN број ако сметката е во некоја западноевропска банка, SWIFT oznaka на банката каде клиентот има сметка. Втора работа е дали примачот е физичко лице или правно лице,ако е физичко тогаш можете да му испратите максимум 2.500 EUR месечно додека ако е правно тогаш може и поголем износ но за кој ќе треба да имате и одредени документи,фактура,договор или друго од каде евидентно ќе се гледа што се плаќа.За ова подетално можете да се обратите на тел.3107-186, 3107-185, 3107-421, 3107-336 или на овој meil Со почит, Deposits operation department Ljupco Kotevski,manager Прашање: Јас сум Виктор и сакам да прашам што значи ова ( Bank Routing Number / Swift Code or Sort Code) оти треба да ми префрлат пари на девизната сметка. Одговор: Почитуван г-дин Калифов, Акронимoт SWIFT служи за меѓународно препознавање на банките во светот кои го користат системот т.е. услугите на SWIFT плаќање. На секоја банка (скоро сите банки во светот го користат овој систем) и е доделен специфичен SWIFT или BIC CODE нашиот е KOBSMK2x Terminate Sort code ili Routing number го користат англосаксонските банки и служи за нумерирање на нивните филијали за побрзо препознавање. Нашиот банкарски систем не поседува вакви броеви. За да добиете пари доволно е да го кажете нашиот SWIFT и вашата сметка и вашите генерални податоци име презиме... и.т.н. Со почит Прашање: Девизно оделение Почитувани, Имам една моја пријателка која сака своето наследство преку мене да го инвестира во Македонија. Се работи за околу 53 милиони американски долари. Можете ли да ми помогнете овие пари да ги донесеме во Македонија и која е постапката. Податоци за нејзината банка ...... Молам да бидам хитно известен . Поздрав и благодарам Одговор: Почитуван г-дин ... Самиот трансфер на пари не е некоја пречка,само што лицето кое треба да инвестира ќе треба да отвори сметка во некоја банка во Р.Македонија и истата да ја соопшти на лицето што треба да ги испрати парите.На тој начин парите ќе стигнат во Р.Македонија.Каде и кога ќе ги инвестира парите е одлука на клиентот и тоа бара сосема друг пристап и други информации за начинот како тоа да се направи. Со почит Deposits operation department Прашање: Здраво, Ме интересира за колку време ќе стигнат парите во Финска на физичко лице доколку пратам и колку е провизијата за праќање на 1500 евра? Поздрав Однапред Ви благодарам Бојан Одговор: Вообичаено време за трансфер на пари во странство е 2 дена. Но има можност да пристигнат и за еден ден само ако налогот е даден во банката најкасно до13 часот. Трошоците за трансфер на 1500,00 EUR се следниве: Наши трошоци: 0,15% од износот или мин.250,00 МКД + 350 МКД за swift трошоци. Следат дополнителни трошоци на странските банки кои во просек изнесуваат 15 EUR во зависност од варијантата што е одбрана при пуштањето на парите кои можат да бидат Со OUR- значи наши т.е.на испраќачот     BEN- значи на корисникот на парите     SHA- или да се поделат. За дополнителни прашања можете да се јавите во Службата за платен промет со странство на тел. 3107-186, 3107-185, 3107-183 и 3107-336. Прашање: Почитувани, Би сакала да Ве прашам дали постои минимална сума на средства која може да ја испрати странско лице на мојата девизна сметка во Вашата банка и ако постои колку изнесува? Однапред Ви благодарам, Елена Одговор: Почитувана Елена, Согласно сегашната законска регулатива, не постои никакво ограничување на износот што резидент на Р.Македонија може да го прими од странство т.е. од нерезидент физичко лице. Поздрав, Deposits operation department Котевски Љупчо Прашање: Би сакал кај Вас да отворам орочена штедна книшка, а не сум во можност овие денови лично да дојдам во некоја од Вашите банки па ме интересира колку е минималниот влог и дали може истиот да се орочи на 8 или 9 месеци, колку би била каматата и може влогот т.е.книшката да биде девизна или може и денарска. Чекам Ваш одговор Веновски Михајло Одговор: Почитуван г-дин Веновски, Во нашата Банка можете да орочите денари и девизи. Во зависност од тоа кој вид на орочување ќе одберете, зависи и минималниот влог на орочување. Орочувањето можете да го направите во било која од нашите експозитури и филијали низ Р. Македонија и Скопје. За се што не ви е јасно јавете се на овој meil или на тел.3107-432, 3138-050 Исто така можете да ја посетите и нашата web страна www.kb.com.mk Поздрав, Deposits operation department Котевски Љупчо, manager Прашање: Ме интересира дали ако имам орочен штеден влог на пример, на 6 месеци можам да го раскинам тој договор и да си ги повлечам парите пред да истечат 6 месеци и во тој случај колкава камата ќе ми биде пресметана за поминатиот период во кој ми биле орочени парите? И дали ако имам орочено на 6 месеци (на пример) ќе мора на секои 6 месеци да доаѓам и да склучам нов договор за наредните 6 месеци или пак автоматски се продолжува за следните 6 месеци затоа што не сум побарал раскинување на договорот? Одговор: Почитуван г-дин, Ако имате влог на 6 месеци и средствата ги повлечете пред истекот на рокот тогаш банката ќе ви пресмета камата по каматна стапка „по видување“. Договорот за орочување на денарски и девизни штедни влогови содржи клаузула за автоматско преорочување т.е.нема потреба да доаѓате во банката за склучување нов договор. Поздрав, Deposits operation department Котевски Љупчо, manager Прашање: Во моментов работам во Ирак и мојата плата пристигнува на мојата девизна книшка што ја имам во вашата банка. Сакав да прашам дали е можно и како можам да ја проверувам мојата состојба на мојата сметка на Интернет. Ви благодарам Одговор: Почитуван г-дин Стојановски, За да можете да ја пратите состојбата на Вашата девизна сметка ќе биде потребно да ви генерираме User name и Password на Вашата сметка. За таа цел ќе биде потребно да контактирате со Службата за платен промет со странство каде ќе го соопштите бројот на Вашата сметка за да можеме да ви дадеме потребните податоци. Контактот можете да го остварите на Mirjana.Gerik@kbnet.com.mk, Tanjas@kbnet.com.mk, Ljupco.Kotevski@kb.com.mk. Со почит, Љупчо Котевски,директор Прашање: Пошто моментално се наоѓам на привремена работа во странство (до 15.05.2008) што треба да направам да ги пренесам парите во вашата банка после моето доаѓање во Скопје на горенаведениот датум? Одговор: Почитуван г-динe, После вашето доаѓање во РМ на 15.05.2008, најпрво ќе треба да ја посетите Македонска банка која ќе ви издаде Документ-Потврда за исплата на вашето штедење, а потоа ќе ја посетите нашата банка во која со презентирање на таа потврда ќе го регулирате Заробеното штедење што се наоѓало во Македонска банка. За подетални информации можете да се јавите на тел. 3183-050 Котевски Љупчо Прашање: Живеам во Америка и испратив средства на моја сметка. Како можат моите да ги подигнат средствата а мајка ми е овластена на моја сметка а воедно банката ја бара мојата green card како доказ дека сум во USA, јас тоа не смеам да го испратам затоа што е државен документ ниту пак да ја скенирам и пратам по e-mail. Одговор: Почитуван г-дин, Според нашиот закон Резидент на РМ не смее да има сметка во странска банка освен во еден случај,а тоа е: Кога лицето има работна или виза за престој на период подолг од 6 месеци.Бидејќи Вие испраќате “сам на себе“ од тоа може да се заклучи нели дека Вие имате сметка во странска банка,во ваков случај за да можат банките во РМ да го искнижат вашиот прилив на Вашата сметка,потребен ни е доказ /документ/ т.е.виза за да утврдиме на кој период ви е регулиран престојот во странство.Мене ме чуди фактот за вашиот став дека не смеете да ја испраќате green cartata,затоа што до сега сме имале вакави случаи како вашиот и до сега ниедна странка не не информирала за ваквата состојба по однос на green-card-ot. Ako вие цврсто стоите на тој став тогаш,како решение предлагаме да контактирате со Вашата банка за да ја замолите да ги смени инструкциите за лицето корисник во налогот т.е.на место Вие да се наведе вашата мајка, а тие / банката/ ќе не известат за тоа,по што средствата ќе можеме да и ги дадеме на Вашата мајка. Срдечен поздрав Прашање: Ме интересира дали доколку имам пари во банка во странство може со ваша помош да бидат префрлени на моја сметка во Комерцијална банка. Мојот email e Ankica@yahoo.com. Го чекам вашиот одговор. Одговор: Почитувана Анкица, Во принцип може со наша помош да се префрлат пари од странство во нашата Банка, но за да се стори тоа потребни се некои неопходни предуслови, а тоа се: - да имате отворено девизна сметка во нашата банка; - да средствата што сакате да ги префрлите се на некоја ваша сметка во вашата банка; - да ни дадете писмени инструкции за трансфер: т.е. ваше име и презиме, адреса, број на сметка или IBAN, но i името на вашата банка нејзиниот swift cod; - не е лошо да ја прашате или бар да ја информирате вашата банка дека ќе повлекувате средства i - што е најважно “документ“ со кој е регулиран вашиот престој во односната земја на период поголем од 6 месеци,за да можеме да ви ги искнижиме средствата на вашата сметка кај нас, затоа што според нашиот нашиот закон сеуште “резидент“ на РМ не смее да има сметка во странство ако нема регулиран престој во странство на период подолг од 6 месеци. За подетални информации можете да се јавите на тел.+ + 389 2 3138-050 Со почит, Deposits operation department Ljupco Kotevski,menager Прашање: Ве молиме да не информирате за условите за префрлување на пари од продадена куќа во Скопје. Парите треба да се префрлат од лицето (купувач на куќа) од Скопје во банковна сметка во Австралија на име на продавачот на куќата. Посебно да ме информирате: 1.Дали постои ограничување на износот што може да се префрли во еден трансфер 2.Колку изнесува коштањето на Вашата услуга за испорака на парите 3. Каква документација е потребна од страна на испраќачот на пари (купувачот на куќа) да достави пред банката за да може да ја испрати целокупната сума во еден трансфер. Ве молам да ми одговорите најдоцна до крајот на Декември 2007. Ви ги честитаме предстојните Новогодишни и Божиќни празници. Одговор: Почитувани, Овие видови на трансфери припаѓаат во групата на посложени и затоа ни се потребни повеќе информации кои ќе морате да ни ги соопштите со јавување на тел.3138- 050, Котевски Љупчо. Што се однесува до поставените прашања ситуацијата е следна: Ограничување на износот не постои. Трошоците се 0,15% од износот плус 350,00 ден.за swift трошоци.Видот на документацијата зависи од повеќе работи како на пример дали продавачот во Австралија има Австралиски пасош или не. Од оваа информација зависи понатамошното анагажирање од ваша и наша страна. Затоа слободно да се јавите на тел.3138-050 Љупчо или 3107-336 Маја. Прашање: Имам отворено девизна сметка кај вас па ќе ве молам да ми кажете како можам да ја проверам состојбата на интернет,а моментално сум во странство.Сметката е отворена на мојата жена Гордана Иваноска. Ќе ве молам да ми одговорите. Поздрав Одговор: Почитувани, Увид на девизна сметка преку интернет можете да направите само ако имате USER NAME и PASSWORD.Доколку немате ќе треба да ни го испратите бројот на Вашата сметка или Вашата сопруга ако е во Македонија да дојде во просториите на банката и да и генерираме потребни податоци.Ако не е присутна во Македонија тогаш потребните параметри Вам ќе ви ги соопштиме,но преку meil што представува малку ризична работа.Ако се сложувате со ова,тогаш ќе Ве замолам да ни го испратите бројот на Вашата сметка. За девизни штедни книшки немаме интернет пристап.За сите дополнителни информации можете да се јавите на телефоните 3107- 186, 3107- 429, 3107-421 и 3107-336. Прашање: Доколку орочам на шест месеци 126.000,00 денари, колку би ми била вкупната добиена сума по истекот на рокот? Одговор: Каматата по шест месеци за износ од 126.000,00 денари ќе изнесува 4.295,50 денари. Прашање: Заинтересиран сум за кредит, на плата од 14.500,00 денари. Колку би одобриле и на колку рати? Одговор: Доколку земате плата на платежна картичка во Банката, со Вашата плата може да се аплицира за кредит од 235.000,00 денари на 66 месеци и рата од 4.821,00 денари. Прашање: Ве молиме да ми одговорите колку побргу можете. Дали може да се замени чек кој е пратен од Америка, станува збор за американски чек во износ од 700 долари. Каде и како може да се замени, имам маестро и мастер кредитна картичка, дали може да ми прати депонентот пари и како да го направи тоа? Со почит, Ваш корисник. Одговор: Почитувани, Чек на USD 700,00 можеме само да го земеме на инкасо наплата, што значи дека средствата ќе Ви бидат ставени на располагање откако ќе бидеме одобрени од странската банка. Вообичаениот рок е 2-3 недели. Чекот треба да се предаде на наплата на било која благајна на банката. Надоместот за услугата е 1% од износот на чекот (доколку е чекот уреден и нема проблеми со наплатата). Моја препорака за дозначување на пари од странство во Ваша корист е со дознака, предност е побрз трансфер на средствата и нема трошоци за Вас, односно приливот Ви го даваме на располагање без надомест за нашата банка ( може да има од странската банка). На секоја благајна може да Ви изготват инструкции за добивање на средствата од странство. За дополнителни информации Ви стоиме на располагање, посебно што приливите од странство подлежат на режимска контрола, согласно прописите од НБРМ. Прашање: Кои документи ми се потребни за вадење на солвентност на една сметка? Одговор: Во прашањето не е прецизирано за каква солвентност станува збор (за физичко или правно лице)па затоа се надеваме дека ќе бидете задоволни со нашиот одоговор. Во врска со поставеното прашање кои документи се потребни за солвентност на правен субјект Ве информираме следното: Комерцијална Банка АД Скопје како носител на платен промет на писмено барање доставено од страна на правниот субјект издава Извештај за состојбата на сметката на имателот на сметката/олвентност. За таа намена Банката има изготвено образец од наведеното барање кое може да се подигне на шалтерот во Службата за отворање на сметки или на Интернет страната на Банката kb.com.mk во работење со трговски друштва-платен промет во земјата-преземете барања-барање бр.1 (повеќе наменско барање) под реден број 3. Извештајот за солвентност се издава во Службата за отворање на сметки во моментот на поднесување на барањето, кое треба да заверено со печат и потпис од страна на овластеното лице за застапување. Прашање: Дали е можно во вашата Банка, да се отвори нова жиро сметка во EUR, а не во ДЕН? Ако да, која е цената годишно? Одговор: Почитувани, Во нашата банка можете да отворите како ресидент две сметки, една во МКД и друга која е мултивалутна, и со неа можете да работите со сите валути кои се пропишани од страна на НБРМ, т.е. кои ги има на курсната листа на НБРМ. За сите дополнителни прашања, Ви стоиме на располагање. Прашање: Со правосилно решение од суд за прогласување наследник што друго треба за подигање пари од штедна книшка на починат штедач. Одговор: Почитувани, Судското решение за оставина треба да има печат за правосилност. Доколку е исполнет тој услов тогаш наследникот/ците сепак ќе треба да дојдат во Банката, Служба за штедење, за да се изврши техничка поделба на средствата. Прашање: Ве молам да ми го кажете e-mailot на Секторот за човечки ресурси за да можам да го доставам моето CV до Вашата ценета банка. Одговор: Почитувани, Вашето CV можете да го пратите на следиот е-маил: Desanka.Petkovska@kb.com.mk Одговорно лице за прием на барања и CV во Човечки ресурси на Комерцијална банка АД Скопје. Прашање: Дали имате брокер во филијала во Куманово? Одговор: Во филијалите (и во Куманово) на Комерцијална банка АД Скопје нема организациона единца со брокери, но затоа има одговорни лица задолжени за давање на информации и собирање на потребната документација од заинтересираните клиенти, која потоа се доставува во Скопје, во Дирекцијата за вршење на услуги со хартии од вредност, од каде и се реализираат сите барања на клиентите. Прашање: Сакам да знам кој се смета за број на штедна книшка на кој се префрлаат средства? Одговор: Бројот на книшката содржи група на броеви со следниот распоред: 02-3хх-ххххххх.х за девизни книшки или 02-1хх-ххххххх.х за денарски книшки За подетални информации можете да се јавите на телeфон 3107-342, 3138-050. Прашање: Зошто Вашата банка ги блокира сметките на мало стопанствениците поради радиодифузната мрежа, кое е тоа право и кој е тој закон? Одговор: Согласно член 147 од Законот за радиодифузната дејност, ЈП МРТ врз основа на регистарот на обврзници на радиодифузната такса донесува решение за присилна наплата, кое има карактер на извршна исправа согласно со Законот за извршување. Во член 150 од истиот Закон уредено е дека во поглед на присилната наплата, се применуваат одредбите од Законот за извршување. Согласно член 200 од Законот за извршување носителот на платен промет извршува Налози за извршување доставени од страна на извршителите и тоа од сметката на должникот назначена во Налогот за извршување. Согласно член 17 од Законот за платен промет, доколку на сметката на правниот субјект-должник нема доволно средства за извршување на Налогот, носителот на платен промет ја блокира сметката и со доставување на даночниот број на должникот преку ЕРИС (Единствен регистар за иматели на сметки) ги исвестува сите други носители на платен промет дека не смеат да вршат плаќање од сметките на должникот до потполно извршување на Налогот за извршување. Во врска со напред наведеното, Банката ја блокирала Вашата сметка во склад со позитивните законски прописи. Прашање: Треба да извршиме наплата од нашата банка во Англија ( National Westminster Bank) на физичко лице со сметка во Вашата банка. Ве молам да ме информирате за Вашиот број на сметка во NatWest со 8- цифрен број на сметка и 6-цифрен сортирачки код на банката ( Account Number & Sort Code) или пак кажете во која банка од NatWest e Вашата сметка, т.е. нивната адреса? Откако ние ќе извршиме директен трансфер на Вашата сметка во NatWest, ќе ги назначиме името,презимето,адресата и бројот на сметката на Вашиот клиент како Beneficiary – дали ова ќе биде доволно за Вие да препознаете во која сметка да ги кредитирате средствата? Во очекување на Ваш одговор, Ви благодарам. Mimi Rogers Одговор: Почитувана г-ѓо Rogers, Нашиот број во Natwest не е потребен за вашиот трансфер на пари. За успешен трансфер на средствата важно е, на Вашата банка каде што имате сметка да и ги презентирате податоците на корисникот на плаќањето т.е. име, презиме, адреса, acc.No или IBAN no… Но ако Вашата банка инсистира да им ги кажете нашите кореспондентски банки тогаш во ред, а тие се: Barclay Bank PLC, London swift BARCGB22, или National Westminster Bank, PLC, London swift NWBKGB2L. Ако имате дополнителни прашања можете слободно да се јавите на mail адресата на contact@kb.com.mk. Прашање: Треба да добијам хонорар во евра од една подорганизација на ОБСЕ од Полска на мојата девизна штедна книшка.Дали Комерцијална банка ќе ми земе провизија од сумата? Како што велат луѓето што ми ги префрлаат парите: „ Indeed, ODIHR ( ime na organizacijata) is not responsible for any taxes (e.g .income tax) you should pay from the amount specified in the contract. Also, we can not be responsible for any commision charged by your bank for receiving money. We make sure that the amount we transfer to your account is equal to the amount listed in the contract. За број на сметка дали треба тој што е напишан кај број на штедна сметка или со потемни бројки тој што е испечатен кај шифра на банката.Ми рекоа во вашата банка дека може и двата. Одговор: Ние како банка немаме провизија за девизен прилив, но морам да Ве информирам дека кај ваквите трансфери постои провизија на странската банка и на нејзината кореспондентска банка.Би било добро да ги прашате одговорните во организацијата, а тие да ви одговорат за овој момент. Ние ќе ви прокнижиме на книшката онолку пари колку што ќе испратат тие. Да, можете да дадете било кој од тие два броја. Ако ви треба нешто дополнително Ве молиме да не контактирате на овој e-mail. Прашање: Би сакал да купам од странство роба и кажано ми е дека тоа може да се направи преку трансфер на пари од банка во банка. Тоа е во ред, но доколку си ја купам робата и платам колку што треба, кои се плус трошоците кон Вашата банка или царината? Станува збор за купување соковник од 280 евра. Одговор: За да извршите трансфер на пари за купување на одредена стока надвор од Македонија ќе треба да поседувате девизна сметка, на која треба да имате потребно количество на средства и да приложите одреден документ-фактура или профактура или друго од каде ќе се види што се купува, каде треба да се плати и колку. За таквите трансфери Банката наплатува провизија. Прашањето за царинските трошоци ќе треба да го упатите во Царината или некоја шпедитерска куќа, која ќе Ве информира за царинските давачки. Доколку имате дополнителни прашања во врска со банкарскиот трансфер, можете да не контактирате повторно. Прашање: Ве молам да овозможите електронско плаќање на придонеси и персонален данок од страна на физички лица на уплатница ПП50? Одговор: Електронско плаќање на јавни услуги, трансфери на средства со ПП30 како и придонеси и персонален данок со образец ПП50 е овозможено на web страната на Банката за таа намена https://www.banka.com.mk На насловната страна има линк кој води до документи потребни за користење на оваа услуга. Услов за користење на услугата е поседувањето на тековна сметка во Комерцијална банка АД Скопје. Потребно е пополнетото барање за користење на оваа услуга да се поднесе на било кој шалтер од тековни сметки и услугата ќе биде овозможена. Прашање: Да проверите како работат Вашите колеги во Кратово уште трансакциите ги пишуваат со пенкало, услугата им е катастрофа не знаат да работат? Одговор: Комерцијална банка АД Скопје нема експозитура во Кратово. Прашање: Дали трошоците за американска виза може да ги платам во Косово? Доколку не може Ве молам да ме известите за Вашето работно време, локација и дали постои друга трансакциона форма за плаќање на трошоците? Одговор: Во овој момент, единствениот начин за да ги платите трошоците за виза е да дојдете во нашата земја. Нашето работно време е 7:30 – 19:00 часот. Вие може да платите во сите филијали или во нашата Централа на ул.”Кеј Димитар Влахов” бр.4, тел: (02) 3 107-344; (02) 3 107-406. Прашање: Кои се коресподентски банки за ЕУР? Одговор: Коресподентски банки за ЕУР се:     1. EUR ACC.NO.0009709015 WITH LHB INTERNATIONALE HANDELSBANK F/M-LHBIDEFF     2. EUR ACC.NO.936 2302 10 WITH DEUTSCHE BANK A.G.FRANKFURT/MAIN 1-DEUTDEFF     3. EUR ACC.NO.8116299 WITH BAYERISCHE LANDESBANK GIROZENTRALE-HEAD OFFICE MUENCHEN 2- BYLA DE MM     4. EUR ACC.NO.499/08080781/11/888 WITH DRESDNER BANK A.G. FRANKFURT/MAIN-DRES DE FF     5. USD ACC.NO.400 8768285 86 EUR ACC.NO.400 876828501/EUR WITH COMMERZBANK A.G. FRANKFURT/MAIN 1- COBADEFF     6. EUR ACC.NO.68 124 301 WITH BAYERISCHE HYPO-UND VEREINSBANK AG MUENCHEN - HYVEDEMM Прашање:Ќе Ве замолам доколку може да ми наведете податоци за Вашата банка, функции и принципи на работа на Банката? Одговор:Комерцијална банка АД Скопје е една од водечките банки во Република Македонија, повеќе пати добитник на наградите од реномираните списанија The Banker и Global Finance што е потврда за нејзината успешност и доследност во почитувањето на основните банкарски принципи: сигурност, ликвидност и профитабилност. Комерцијална банка е универзална банка со широк спектар на банкарски активности, почнувајќи од прибирање на депозити и кредити на правни и физички лица, услуги во домашниот и меѓународниот платен промет, па се до активности како посредување во купопродажба на девизи, хартии од вредност, форфетирање и др. Подетално за сите новини во работењето на Банката, како и за сите производи и услуги на Банката за физички и правни лица може да се информирате на нашата web страница www.kb.com.mk. Прашање: Работам во САД и сакам да испратам пари во Македонија. Примателот има книшка во Комерцијална банка. Дали можам директно на книшка да префрлам пари и дали за таа услуга Комерцијална банка наплаќа провизија. Дали тамошниот примач може да уновчи личен чек од САД? Одговор: Да можете да префрлите пари од САД на друго физичко лице во Македонија, под услов да лицето поседува девизна сметка или книшка, ако нема, може да отвори во сите наши експозитури низ градот и државата. За пристигнатиот прилив не наплаќаме провизија. Да, во нашата банка може да се уновчи чек, но процедурата е посложена и во зависност од тоа има дополнителни трошоци. Наша препорака е, да ако сакате да испратите пари, тоа да го сторите преку банкарски трансфер. Прашање:     - Дали може заробена девиза да се префрли во друга банка и колку посто во целост може да се извади девизата?     - Имаме кај Вас заробени штедни влогови. Дали може парите да се префрлат на друго лице и која е најдобрата варијанта да се извадат парите т.е. да се купи стан, автомобил. Доколку сакам да ги извадам сите пари колку посто зема банката? Ве молам да ми пратите одговор во најскоро време и дали може парите да се префрлат во друга банка? Одговор: Заробеното штедење е регулирано со посебен закон, со кој е пропишано издавање на обврзници. Износот наведен во обврзниците, државата е во обврска да го врати во период од 10 години, два пати годишно. Вие имате две решенија за враќање на Вашите заробени средства. Прво, да почекате уште 4 години, кога завршува периодот на враќање. Второ, обврзниците што ги поседувате може да го продадете на Берза, чија цена во овој момент е околу 80% од нивната номинална вредност. За да го остварите сето ова потребно е да го имате регулирано заробеното штедење, а за таа цел ќе биде потребно да се јавите во нашата служба за попрецизни информации. Нашите телефони се: 3107-336, 3107-342, 3107-186, и 3107-185. Прашање: Моментално се наоѓам на работа во странство. Дали можам од странство да отворам конто и пензијата што ја примам од Македонија да оди на тоа конто бидејќи нема кој да ја прима? Одговор: Отворање на денарска штедна книшка во отсуство (странство), може да се спроведе со писмено барање и депонирање на потпис на истото, заверено во дипломатско конзуларно претставништво или нотарско заверено и преведено на македонски јазик.