Контакт
contact@kb.com.mk

контакт центар:
(02) 3 296 800

Н О В О С Т И



05.04.2018 - СООПШТЕНИЕ


Комерцијална банка АД Скопје ги известува своите акционери дека почнувајќи од 30 април 2018 година ќе врши исплата на дивиденда за 2017 година

 

Право на исплата на дивиденда за 2017 година имаат сите акционери на Комерцијална банка АД Скопје кои се евидентирани во книгата на акции на  19 април 2018 година.

 

Исплатата на дивиденда за 2017 година на правните лица ќе се врши со пренос на средствата на нивните сметки во Банката или во друга банка.

 

За исплатата на дивиденда за физички лица, плаќањето на ПДД ќе се врши со електронска пресметка за приход и данок (е-ППД) до УЈП, согласно Законот за измени и дополнувања на Законот за персонален данок (Службен весник бр. 190/2017). Заради потребата од целосни податоци за внес во е-ППД системот, се повикуваат сите акционери кои не се внесени во евиденцијата на УЈП како даночни обврзници, да преземат соодветни мерки за нивно евидентирање во даночната евиденција на  УЈП. Ова особено се однесува на малолетните лица и/или други лица кои досега не биле приматели на оданочив приход од кој било вид во Република Македонија. 

 

На физичките лица средствата од дивидендата за 2017 година ќе им бидат уплатени на нивните сметки во Комерцијална банка АД Скопје,  освен за лицата кои имаат дадено овластување за пренос на дивидендата на сметка во друга банка. Комерцијална банка АД Скопје во таков случај средствата од дивидендата за 2017 година ќе ги уплати на назначената сметка.

 

Физичките лица кои немаат сметка во Комерцијална банка АД Скопје или не дале овластување, ќе треба за исплата на дивиденда за 2017 година да отворат сметка во Банката или да дадат овластување за пренос на дивидендата на сметка во друга банка. Ова можат да го направат во сите филијали и експозитури на Комерцијална банка АД Скопје низ Републиката.

 

Согласно член 77, став 8, од Законот за персонален данок на доход,  пресметката на персонален данок од дивиденди и други приходи остварени со учество во добивката во 2017 година, а исплатена во 2018 година, ќе биде доставена до секој акционер евидентиран во книгата на акции по извршената исплата на дивидендата. Доколку некои од акционерите не го добијат документот поради технички причини (промена на адреса и слично), истиот ќе може да го подигнат во сите филијали и експозитури на Комерцијална банка АД Скопје низ Републиката.

 

Дополнителни информации може да се добијат на телефонските броеви:  3168 311, 3168 310, 3168 312 и 3168 308.

 

Комерцијална банка АД  Скопје






13.03.2019 - Комерцијална банка со сопствен систем за производство на електрична енергија


Поттикнати од глобалното движење за производство на чиста енергија од обновливи извори и водена од својата општествена одговорност, Комерцијална банка АД Скопје со гордост го претставува сопствениот систем за производство на електрична енергија од сончево зрачење.

 

Платформата со фотоволтаични панели е поставена на кровот на деловниот објект КБ-2 во центарот на Скопје. Се состои од 81 панел со моќност од 300 W по панел и два струјни инвертора поврзани со напојувањето на зградата. На овој начин  дел од потребната електрична енергија Комерцијална банка АД Скопје ја обезбедува од сопствени извори, а остатокот го надополнува од електричната мрежа. Целокупната произведена електрична енергија се употребува за потребите на деловниот објект.

 

Системот е пуштен во функција во декември 2018 година. Во убав сончев ден произведува повеќе од 100 kWh електрична енергија дневно. Благодарение на оваа инвестиција, Комерцијална банка АД Скопје за три месеци спречи во атмосферата да се емитуваат речиси два тона СО2,  кои би биле испуштени доколку ова количество електрична енергија било произведено во термоцентрала со согорување на јаглен.

 

Ова е придонес и дел од напорите на Комерцијална банка АД Скопје за намалување на загадувањето во Скопје.
 
Paneli



07.03.2019 - Оглас за вработување


Помлад соработник за платен промет во земјата и за работа со население, во Одделение за платен промет во земјата и работа со население, Комерцијална банка АД Скопје-Филијала Кочани, 1 (еден) извршител на определено работно време од 12 месеци, со можност за продолжување на Договорот за вработување.

 

Потребни квалификации и способности:

  • Завршен Економски факултет, со најмалку 180 кредити според ЕКТС или VII/1 степен,
  • Без работно искуство,
  • Познавање англиски јазик и работа со компјутери,
  • Комуникациски и организациски вештини, ориентираност кон клиенти, способност за тимска работа и професионално однесување.       

 

Работно време: 40 часа неделно, организирано во две смени во рамки на работното време на Филијалата, од понеделник до петок: од 08:00 до 17:00 часот,  и во сабота од 08:00 до 13:00 часот.

 

Почетна основна нето-плата: 19.200,00 денари.

 

Огласот трае заклучно со 16.03.2019 година. Изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавени кандидати.

Заинтересираните кандидати кои ги исполнуваат горенаведените критериуми треба да да пратат кратка биографија (CV), мотивациско писмо и копија од Диплома за завршено високо образование, на следната адреса: Сектор за човечки ресурси и општи работи, Комерцијална банка АД Скопје, ул.Орце Николов бр.3, 1000 Скопје, или на e-mail адреса vrabotuvanje@kb.com.mk со назнака: „Oглас за вработување во Филијала Кочани”.

                                                                 

Лице за контакт: Меглена Димитрова, тел.: 3-168-412.

                                                                  

Некомплетната документација и документацијата доставена по истекот на рокот за аплицирање, нема да бидат разгледувани.

 

На интервју ќе бидат повикани само апликантите кои ќе влезат во потесен круг.




07.03.2019-Комерцијална банка - Генерален спонзор на Струмичкиот карневал


Повеќе од една деценија Комерцијална банка АД Скопје е Генерален спонзор на манифестацијата „Струмички карневал“ која  традиционално се одржува во рамки на „Тримерските празнувања“ (празникот на армасаните девојки).

 

Струмичкиот карневал од страна на списанието Arabian travel е прогласен за еден од 20-те врвни улични карневали во светот, а нашето Министерство за економија го прогласи за најдобра туристичка манифестација. 

 

Секоја година манифестацијата „Струмички карневал“ привлекува над триесет илјади посетители од земјава и од странство.   

 

Главната карневалска вечер ќе се одржи на 9 март 2019 година и во неа ќе  учествуваат над 2.500 маскирани лица во поворка.




26.02.2019 - Оглас за вработување


Комерцијална банка АД Скопје отвори оглас за вработување стручен соработник за платен промет во земјата и работа со население, во Одделение за платен промет во земјата и работа со население,  во Филијала Гостивар, 1 (еден) извршител на определено работно време од 12 месеци, со можност за продолжување на Договорот за вработување.

 

Потребни квалификации и способности:

  • Завршен Економски факултет, со најмалку 180 кредити според ЕКТС или VII/1 степен,
  • Најмалку три години работно искуство,
  • Познавање на англиски јазик и работа со компјутери,
  • Комуникациски и организациски вештини, ориентираност кон клиенти, способност за тимска работа и професионално однесување.

 

Предност ќе имаат кандидати со искуство во банкарски и финансиски институции.

 

Работно време: 40 часа неделно, организирано во две смени во рамки на работното време на Филијалата од понеделник до петок: од 08:00 до 17:00 часот,  и во сабота од 08:00 до 13:00 часот.

 

Почетна основна нето-плата: 30.731,00 денари.

 

Огласот трае заклучно со 07.03.2019 година. Изборот ќе се изврши во рок од 30 дена по истекот на рокот за пријавување, во зависност од бројот на пријавени кандидати.

 

Заинтересираните кандидати кои ги исполнуваат горенаведените критериуми треба да да пратат кратка биографија (CV), мотивациско писмо и копија од Диплома за завршено високо образование, на следната адреса: Сектор за човечки ресурси и општи работи, Комерцијална банка АД Скопје, ул.Орце Николов бр.3, 1000 Скопје, или на e-mail адреса vrabotuvanje@kb.com.mk со назнака: „Oглас за вработување во Филијала Гостивар”.

                                                                 

Лице за контакт: Меглена Димитрова тел: 3-168-412

                                                                  

Некомплетната документација и документацијата доставена по истекот на рокот за аплицирање нема да бидат разгледувани.

На интервју ќе бидат повикани само апликантите кои ќе влезат во потесен круг.


26.02.2019 - Оглас за вработување


Комерцијална банка АД Скопје отвори оглас за вработување на помлад соработник за платен промет во земјата и работа со население во Одделение за платен промет во земјата и работа со население, за Филијала Гостивар, 1 (еден) извршител на определено работно време од 12 месеци, со можност за продолжување на Договорот за вработување.

 

Потребни квалификации и способности:

  • Завршен Економски факултет, со најмалку 180 кредити според ЕКТС или VII/1 степен,
  • Без работно искуство,
  • Познавање на англиски јазик и работа со компјутери,
  • Комуникациски и организациски вештини, ориентираност кон клиенти, способност за тимска работа и професионално однесување.       

 

Работно време: 40 часа неделно, организирано во две смени во рамки на работното време на Филијалата од понеделник до петок: од 08:00 до 17:00 часот,  и во сабота од 08:00 до 13:00 часот.

 

Почетна основна нето-плата: 19.200,00 денари.

 

Огласот трае заклучно со 07.03.2019 година. Изборот ќе се изврши во рок од 30 дена по истекот на рокот за пријавување, во зависност од бројот на пријавени кандидати.

 

Заинтересираните кандидати кои ги исполнуваат горенаведените критериуми треба да да пратат кратка биографија (CV), мотивациско писмо и копија од Диплома за завршено високо образование, на следната адреса: Сектор за човечки ресурси и општи работи, Комерцијална банка АД Скопје, ул.Орце Николов бр.3, 1000 Скопје, или на e-mail адреса vrabotuvanje@kb.com.mk со назнака: „Oглас за вработување во Филијала Гостивар”.

                                                                 

Лице за контакт: Меглена Димитрова тел: 3-168-412

                                                                  

Некомплетната документација и документацијата доставена по истекот на рокот за аплицирање, нема да бидат разгледувани.

На интервју ќе бидат повикани само апликантите кои ќе влезат во потесен круг.


22.02.2019 - Нови функционалности во Интернет банката за правни лица


Почитувани,

 

Ве информираме дека почнувајќи од 01.04.2019 година, Банката ќе ги доставува изводите за тековната сметка во странска валута за правни лица резиденти, придружните обрасци 743 и 1450 и МТ 103 SWIFT пораките, единствено преку Интернет банката за правни лица во делот на Девизен платен промет.

 

Новите функционалности во Интернет банката за правни лица се достапни бесплатно за сите клиенти кои имаат пристап, без потреба од поседување на токен, и истите нудат повеќе предности во Вашето работење: поголема сигурност, безбедност,  брзина и ефикасност.




21.02.2019 - Барање понуди на локации за поставување банкомати (АТМ)


Почитувани, Ве известуваме дека Kомерцијална банка АД Скопје е заинтересирана за поставување банкомати (АТМ) на следните локации:

 

  • Во Скопје: Сопиште, Скопје Север, Пржино или Црниче, Јурумлери, Ново Лисиче и Центар – околу потегот ЗОО, Градски парк, Фонтана, Дебар Маало.
  • Низ Републиката: во Струга, Кичево, Прилеп (с.Лажани и с.Кривогаштани), Струмица, Кавадарци (Росоман), Виница и Дебар.

 

Трошоците за целосна монтажа и инсталација на АТМ банкоматите ќе бидат од средства на Банката.

 

Сите заинтересирани физички и правни лица, кои поседуваат простор на овие подрачја, што се наоѓа на атрактивна и фреквентна локација (Централно лоцирана), со правни субјекти во опкружувањето, со пристапност и паркинг до просторот 24/7/365 дена во годината, како и приклучок за електрична енергија, се замолуваат да достават Понуди на е-mail адресата на Банката на contact@kb.com.mk, со приложување на следната документација:

 

  • Имотен лист за сопственост на просторот;
  • Потврда за отворена сметка во Комерцијална банка АД Скопје (поради плаќање на закупнината);
  • Фотографии од понудениот простор;
  • Месечен износ на закупнината во нето-износ (со вклучен трошок за потрошена електрична енергија од банкоматот); 
  • Согласност за склучување 5 (пет)-годишен договор за закуп;
  • Контакт лице, адреса,телефон и е-mail за комуникација.

 

*Пожелно е понудениот простор да има сопствен видео мониторинг (надзор).

 

Напомена:  Банката нема обврска да ја прифати доставената Понуда.







А Р Х И В А