Контакт
contact@kb.com.mk

контакт центар:
(02) 3 296 800

Н О В О С Т И



06.12.2018 - Одржан настан „Ден за Вас - На пат кон дигитална трансформација“


Во рамки на определбата на Комерцијална банка АД Скопје за постојана грижа за своите клиенти, на 5.12.2018 година се одржа настан „Ден за Вас – На пат кон дигитална трансформација“, наменет за корпоративните клиенти на Банката.

 

Тргнувајќи од влијанието на технологиите во современиот живот, како и забрзаната динамика во извршување на секојдневните деловни, но и приватни обврски, Банката работеше на тоа да понуди нови дигитални решенија кои ќе им овозможат на клиентите да управуваат со средствата на компанијата на едноставен, сигурен и брз начин. Во таа насока е и воведувањето на новата мобилна апликација на Комерцијана банка, мБанкаКо, која ексклузивно беше промовирана на настанот „Ден за Вас – На пат кон дигитална трансформација“.

 

Мобилната апликација мБанкаКо користи најсовремени решенија кои истовремено нудат и најудобно и наједноставно користење на банкарските услуги преку user-friendly кориснички интерфејс и највисоко ниво на сигурност за клиентите.  мБанкаКо има вградени контроли кои овозможуваат проверка на внесените податоци, а за поголема сигурност на корисниците, апликацијата има вградени максимални лимити за дневен и за месечен промет, дефинирани од Банката.

 

Во мобилната апликација мБанкаКо во целост се пренесени авторизациите од постојната Интернет банка за правни лица (прегледувач, внесувач, потписник, испраќач) и е овозможена комбинација на улогите. мБанкаКо овозможува увид во состојбата, промените и во изводот на сметките (денарска и девизна трансакциска сметка), пренос на средства од денарската трансакциска сметка кон други сметки во платниот промет во земјата со ПП30, ПП50 и ПП53 (внесување, потпишување и испраќање на реализација на електронски налог за плаќање), продажба на девизи од девизна трансакциска сметка, пристап до информации за деловните картички и можност за администрирање на дневни и на периодични лимити на деловните картички и прием на нотификации за прилив/одлив од денарската трансакциска сметка, деловните картички и од девизните сметки, со можност за поставување минимални износи за добивање нотификации. Повеќе за апликацијата може да прочитате на следниот линк .

 

На настанот „Ден за Вас – На пат кон дигитална трансформација“ беа претставени и новите можности кои ги нуди услугата Интернет банка за правни лица, пред сè можноста за потпишување налог за исплата на готовина ПП40 и определување лице кое ќе ја подигне готовината на шалтер.

 

Вработени во Банката на присутните на настанот им ја презентираа и KomPay, бесплатната мобилна апликација на Комерцијална банка која овозможува бесконтактно плаќање на продажни места. KomPay апликацијата овозможува со помош на дигитализирани платежни картички да се вршат плаќања на ПОС терминали кои ја поседуваат технологијата за бесконтактни плаќања, без употреба на физичката банкарска картичка.

 

Грижата за клиентите продолжува и во иднина и Банката ќе продолжи да работи и понатаму за надградување на понудените услуги и за нивно прилагодување на потребите на своите клиенти.

 

Банката изразува голема благодaрност до присутните клиенти и се надева дека понудените новитети ќе им бидат од голема корист во секојдневното работење.






15.02.2019 - Оглас за вработување


Стручен соработник за односи со клиенти во Секторот за кредитирање на стопанство во Комерцијална банка АД Скопје, 2 (двајца) извршители на неопределено време.

 

Потребни квалификации и способности:

 

  • Завршен Економски факултет  ВС VII/1 или најмалку 180 (ЕКТС) кредити,
  • Најмалку 3 години работно искуство
  • Познавање на англиски јазик и работа со компјутери,
  • Познавање на финансиска анализа на нефинансиски правни лица,
  • Познавање од оценка на инвестициони проекти и кредитнтно портофолио,
  • Познавање на управување со кредитно досие (барање, кредитна анализа, препорака со предлог одлука за одобрување/неодобрување на барањето) и комплетирање и ажурирање на документација во кредитно досие
  • Компетенции (комуникациски вештини, аналитички и статистички вештини, приоретизирање и организирање во работата, остварување на резултати и квалитет, тимска работа).

 

Предност ќе имаат вработени во банкарски институции.

 

Работно време: 40 часа неделно, од понеделник до петок: од 08:00 до 16:00 часот.

Почетна основна нето-плата: 33.000,00 денари.

 

Огласот трае заклучно со 24.02.2019 година. Изборот ќе се изврши во рок од 30 дена по истекот на рокот за пријавување.

Заинтересираните кандидати кои ги исполнуваат горенаведените критериуми треба да да пратат кратка биографија (CV), мотивациско писмо и уверение за завршено образование на следната адреса: Сектор за човечки ресурси и општи работи, Комерцијална банка АД Скопје, ул. Орце Николов бр.3, 1000 Скопје, или на e-mail адреса vrabotuvanje@kb.com.mk со назнака: „Oглас за вработување на Стручен соработник за односи со клиенти во Секторот за кредитирање на стопанство“.

                                                                 

Лице за контакт: Меглена Димитрова тел.: 02/3168-412

                                                                  

Некомплетната документација и документацијата доставена по истекот на рокот за аплицирање, нема да бидат разгледувани.

На интервју ќе бидат повикани само апликантите кои ќе влезат во потесен круг.




06. 02.2019 - Нови поволности со Интернет банка и со мБанка за физички лица


Комерцијална банка АД Скопје на своите корисници на Интернет банка им овозможи нова опција, а тоа е самостојно ресетирање на заборавена лозинка за најава на сопствениот интернет-профил.

 

Дополнително, на корисниците на мобилната апликација мБанка им овозможи нова услуга за пренос на средства од сопствена денарска/девизна штедна книшка по видување кон сопствена денарска трансакциска тековна сметка, односно сопствена девизна сметка.




06.02.2019 - Интернет банка и мБанка за физички лица – се воведува максимален дневен, месечен и лимит за поединечна трансакција


Почитувани корисници на Интернет банка и мБанка,

 

Со цел да се зголеми заштитата при електронските плаќања преку Интернет банка и преку мобилната апликација мБанка, Банката воведува максимален дневен, месечен и лимит за поединечна трансакција, кои се дефинирани во Општите услови на Комерцијална банка АД Скопје за користење на услугите на електронско банкарство за физички лица. Доколку сакате да направите промена на својот дневен, месечен и лимит за поединечна трансакција, до износ на максимално утврдените лимити, истото може да го направите преку веб-страницата на Интернет банката, користејќи листа на кодови или сигурносен токен.

 

Промените на лимитите за Интернет банка и за мБанка може да ги направите во делот „Мое мени“ – „Промена на лимити.“




04.02.2019 - Продолжена соработката со Црвениот крст на Македонија


Комерцијална банка АД Скопје девет години во континуитет има плодна соработка со Црвениот крст на Република Македонија како Генерален покровител на проектот „Подобра социјализација на децата и младите со посебни потреби“.

Основен мотив за вклучувањето во овој проект е да им овозможиме на децата и младинците со посебни потреби да го развијат здравиот дух и креативниот капацитет, дополнително да се едуцираат и целосно да се интегрираат во нашето општество.

Продолжувањето на соработката со Црвениот крст и поддршката на овој проект ги потврдува нашите напори за долгорочен и систематски пристап кон подобрувањето на благосостојбата на ранливите групи во заедницата и е во согласност со стратегиските заложби на Банката на полето на општествената одговорност.





А Р Х И В А