Контакт
contact@kb.com.mk

контакт центар:
(02) 3 296 800

Н О В О С Т И



09.04.2019 - СООПШТЕНИЕ ЗА ИСПЛАТА НА ДИВИДЕНДА


Комерцијална банка АД Скопје ги известува своите акционери дека почнувајќи од 07 мај  2019 година ќе врши исплата на дивиденда за 2018 година

 

Право на исплата на дивиденда за 2018 година имаат сите акционери на Комерцијална банка АД Скопје кои се евидентирани во книгата на акции на  19 април 2019 година.

 

Исплатата на дивиденда за 2018 година на правните лица ќе се врши со пренос на средствата на нивните сметки во Банката или во друга банка.

 

Согласно Законот за данокот на личен доход, Комерцијална банка АД Скопје, како исплатувач на доход по основ на дивиденда, пресметката и плаќањето на данокот на доход и исплатата на дивидендата за 2018 година на физичките лица ќе ја врши со поднесување електронска пресметка за бруто-доходот и пресметаниот данок по одбивка (е-ППД) до Управата за јавни приходи преку системот е-Персонален данок.

 

Е-ППД системот не прифаќа неточни и нецелосни податоци. Затоа се повикуваат сите акционери кои не се запишани во евиденцијата на УЈП како даночни обврзници да превземат соодветни мерки за нивно запишување согласно процедурите на УЈП. Ова особено се однесува на малолетните лица и/или други лица кои досега не биле приматели на оданочив доход од кој било вид во Република Северна Македонија. 

 

Средствата од дивидендата за 2018 година преку е-ППД системот ќе бидат уплатени на сметките на физичките лица во Комерцијална банка АД Скопје. Исклучок ќе бидат лицата кои имаат дадено овластување за пренос на дивидендата на сметка во друга банка. Комерцијална банка АД Скопје во таков случај средствата од дивидендата за 2018 година преку е-ППД системот ќе ги уплати на назначената сметка. Затоа ги повикуваме сите акционери кои немаат сметка во Комерцијална банка АД Скопје да отворат сметка во Банката или да дадат овластување за пренос на дивидендата на сметка во друга банка. Оваа постапка акционерите можат да ја направат во сите филијали и експозитури на Комерцијална банка АД Скопје .

 

Согласно член 85, став 11, од Законот за данокот на личен доход,  пресметката на данокот на доход од дивиденда остваренa со учество во добивката во 2018 година, a исплатена во 2019 година, ќе биде доставена до секој акционер евидентиран во книгата на акции по извршената исплата на дивидендата. Доколку некои од акционерите не ja добијат пресметката поради технички причини (промена на адреса и слично), истaта ќе може да ја подигнат во сите филијали и експозитури на Комерцијална банка АД Скопје.

 

Дополнителни информации може да се добијат на телефонските броеви:  3168 311, 3168 310 и 3168 312






19.07.2019 - Оглас за вработување во експозитура Ресен


 

Комерцијална банка АД Скопје објавува оглас за вработување на 1 (еден) извршител на позиција: Помлад соработник (благајник) во Комерцијална банка АД Скопје - Експозитура Ресен на определено работно време од 12 месеци, со можност за продолжување на Договорот за вработување.

 

Потребни квалификации и способности:

·         Завршен Економски факултет со најмалку 180 кредити според ЕКТС или VII/1 степен,

·         Без работно искуство,

·         Познавање на англиски јазик и работа со компјутери,

·         Комуникациски и организациски вештини, ориентираност кон клиенти, способност за тимска работа и професионално однесување.       

 

Работно време: 40 часа неделно, организирано во две смени во рамки на работното време на Експозитурата, од понеделник до петок од 08:00 до 17:00 часот и во сабота од 08:00 до 13:00 часот.

 

Почетна основна нето-плата: 19.200,00 денари.

Огласот трае заклучно со 26.07.2019 година. Изборот ќе се изврши во рок од 45 дена по истекот на рокот за пријавување, во зависност од бројот на пријавени кандидати.

 

Заинтересираните кандидати кои ги исполнуваат горенаведените критериуми треба да да пратат кратка биографија (CV), мотивациско писмо и копија од Диплома за завршено високо образование на следната адреса: Сектор за човечки ресурси и општи работи, Комерцијална банка АД Скопје, ул.Орце Николов бр.3, 1000 Скопје, или на e-mail адреса  vrabotuvanje@kb.com.mkсо назнака: „Oглас за вработување во Комерцијална банка АД Скопје -Експозитура Ресен”.

 

                                                                 

Лице за контакт: Меглена Димитрова, тел: 3-168-412

                                                                  

Некомплетната документација и документацијата доставена по истекот на рокот за аплицирање нема да бидат разгледувани.

На интервју ќе бидат повикани само апликантите кои ќе влезат во потесен круг.




17.07.2019 – Комерцијална банка ја реализираше првата трансакција со хартии од вредност во странство


Дирекцијата за вршење услуги со хартии од вредност, при Комерцијална банка АД Скопје, на 12.07.2019 успешно ја реализираше првата трансакција со хартии од вредност на странски пазар. Во рамките на предвидениот рок (Т+2) трансакцијата беше и успешно порамнета од страна на Дирекцијата за вршење старателски работи. 

 

Оваа трансакција беше извршена за постоечки клиент, за кој беше проследен и реализиран налог на германската берза Xetra за купување обични акции. Вкупната вредност на трансакцијата изнесуваше 30.110 евра. На 17.07.2019 е реализиран и налог на физичко лице за купување обични акции на Xetra во вкупна вредност од 4.678 евра.

 

Комерцијална банка со оваа трансакција потврди дека за краток период ги воспостави системските услови и законски предвидените процедури за тргување со хартии од вредност во странство по налог на домашни и на странски физички и правни лица. Брокерските и старателските услуги од Комерцијална банка се достапни за вршење трансакции на која било регистрирана берза во светот, при што за клиентите се обезбедени сите потребни информации за условите и трошоците за спроведување на бараната трансакција.

 

Сите дополнителни информации може да ги добиете на телефонските броеви: (02) 3247-431; (02) 3247-432 и (02) 3247-435 или на e-mail адресата kbbroker@kb.com.mk.




16.07.2019 – Комерцијална банка овозможи online аплицирање за потрошувачки кредити


За потрошувачките ненаменски кредити на Комерцијална банка АД Скопје отсега може да аплицирате и електронски (online). За сите физички лица, корисници на услугата електронска банка, кои имаат опција за плаќање, Комерцијална овозможи побрза и поедноставна постапка преку online аплицирањето.
 
Со оваа опција, заинтересираните клиенти може да аплицираат за следните кредити:
 
  • Потрошувачки кредит до 30.000 евра со ЕУР клаузула. Повеќе за условите на следниот линк.
  • Потрошувачки кредит до 600.000 денари без жиранти. Повеќе за условите на следниот линк.
  • Тип Топ Потрошувачки кредит. Повеќе за условите на следниот линк.
  • Кредит врз основа на меница без жирант. Повеќе околу условите на следниот линк.
  • Кредит за пензиoнери. Повеќе за условите на следниот линк.

 

Со најава на интернет банката, корисниците ќе може да ја одберат оваа опција во менито под називот „Online апликации“.
 

За да се пополнат и внесат барањето за кредит и потребните документи во наведениот формат, кредитобарателот треба да има важечка листа на кодови за плаќање. За статусот на поднесеното барање, кредитобарателот ќе може да се информира преку истата апликација.




12.07.2019 – Комерцијална банка спонзор на манифестацијата „Галичка свадба“


 

Комерцијална банка АД Скопје и оваа година е спонзор на манифестацијата „Галичка свадба“, која традиционално се одржува околу верскиот празник Петровден. Годинава, во периодот од 12 до 14 јули, посетителите ќе можат одблиску да ги запознаат живописноста на Галичник и волшепството на изворното македонско културно наследство, чиј дел е и манифестацијата „Галичка свадба“.

 

Свекрвино оро, носење на невестата на вода, поставување на свадбениот бајрак, бричење на зетот, замесување леб ... се народни обичаи кои се дел од галичката традиција, обичаи кои се во неделива хармонија со раскошните носии и неповторливиот галички амбиент.

 

Сето ова придонесува манифестацијата да се доживува во својата единственост и неповторливост. Тоа налага нејзино континуирано негување и презентирање, како нешто драгоцено и свето, што исконски го изразува нашето паметење и постоење.




01.07.2019 – Комерцијална банка ги намали каматните стапки на дозволено пречекорување и на кредитни картички


Ве известуваме дека поради намалување на каматната стапка на благајничките записи, Комерцијална банка АД Скопје, почнувајќи од 01.07.2019 година, ќе изврши намалување на каматните стапки кај дозволеното пречекорување на трансакциските сметки за физички лица и кај дел од кредитните картички за правни и за физички лица.

Новите каматни стапки се подетално наведени на веб-страницата на Банката кај секој поединечен производ, а клиентите ќе добијат известување и преку изводот од сметката/картичката.







А Р Х И В А