Kontakt
contact@kb.com.mk

contact center:
(02) 3 296 800

Sponsorizimet dhe donacionet


Komercijalna Banka, si bankë lider në Republikën e Maqedonisë, është përfshirë në mënyrë aktive në zhvillimin dhe mirëqenien e kombit, popullit dhe i kushton një rëndësi të madhe mjedisit të shëndetshëm dhe të pastër duke mbështetur një gamë të gjerë të organizatave, aktiviteteve dhe evenimenteve të ndryshme, me qëllim të promovimit dhe festimit të suksesit, inovacioneve dhe avancimit në fushat e mëposhtme:

  • Sport;
  • Art;
  • Veprimtaritë kërkimore dhe hulumtuese shkencore dhe konferencat ;
  • Çështjet sociale;
  • Mediumet;
  • Ambientet;
  • Nëse keni nevojë për sponzorim, ju lutemi plotësojeni këtë kërkesë për sponzorim.


2020


„Ververicka“ shpërblen përsëri të porsalindurit

верверичка
 

"Ververicka" (Ketri) ka përgatitur përsëri surpriza për të gjithë fëmijët që do të lindin më 31 tetor 2020. Me rastin e Ditës Botërore të kursimeve, Komercijalna Banka AD Skopje do t’ju hap libreza të kursimeve – kursim për fëmijë “Ververicka” në vlerë prej 5.000 denarë. Gjatë hapjes së librezës së kursimit, kursyesi juaj i vogël do të fitojë një dhuratë të veçantë - kuti të kursimeve.

 

Libreza të kursimit do të fitojnë të gjithë fëmijët që do të lindin më 31 tetor nga ora 00:00 deri në 24:00 në Shkup dhe në qytetet tjera në vend ku Banka ka filialet dhe/ose ekspoziturat e saj. Për ti marrë këto mjete, përfaqësuesit ligjorë të fëmijëve të lindur më 31.10.2020 do të duhet të dorëzojnë dokumentet e nevojshme më së voni deri më 31.12.2020. Para se të dorëzojnë dokumentet e nevojshme në sportelet e Bankës në Shkup dhe në qytetet tjera të RMV, duhet që paraprakisht të regjistrojnë fëmijët e tyre si obligues tatimor në zyrën më të afërt rajonale të Drejtorisë së të Hyrave Publike (DHP), në përputhje me procedurat e përshkruara nga DHP. Në të kundërt, Banka teknikisht nuk do të jetë në gjendje të bëjë pagesën e mjeteve.

 

Me këtë mision të përgjegjshëm, Komercijalna Banka i mëson fëmijët të kursejnë që në moshë të vogël dhe të kuptojnë rëndësinë e kësaj shprehie të rëndësishme jetësore. Prandaj, kursimi për fëmijë "Ververicka" është një produkt kursimi i krijuar me kujdes të veçantë, i cili sjell interes me të cilin rritet depozita e kursimit të fëmijës suaj.


Komercijalna Banka sponsor i edicioninit të 50-të jubilar të "Zllatno sllavejce 2020"

Edhe këtë vit bilbilët e artë do të ngjiten përsëri në skenë dhe do të performojnë hitet e tyre. Edhe këtë vit, Komercijalna Banka AD Skopje do të përkrahë festivalin më të vjetër të fëmijëve në vend "Zllatno sllavejce" (Bilbili i artë), i cili feston ditëlindjen e 50-të të tij.

Për shkak të kushteve dhe rrethanave aktuale, këtë vit Festivali do të mbahet më 26 shtator në ambient të hapur - në Parkingun e madh në sallën "Boris Trajkovski".

Festivali i promovon kompozimet për fëmijë të krijuara nga autorët më të mëdhenj të muzikës në këtë fushë, të cilat fëmijët i njohin më tej si këngë të fëmijërisë së tyre. Banka me mbështetjen e saj për këtë Festival edhe një herë dëshmon se si një kompani me përgjegjësi shoqërore ndjek dhe ndihmon zhvillimin e popullatës së re.
 
златно
 

Komercijalna Banka sponsor i pergjithshem i koncertit te grupit Sintezis

 

Si pjesë e angazhimit për të mbështetur vlerat e vërteta universale dhe kulturore, Komercijalna Banka AD Skopje paraqitet si sponsor i përgjithshëm i koncertit jubilar të grupit Sintezis.

 

Koncerti do të mbahet më 23 shtator në sheshin Nënë Tereza (pllaja përpara Operës dhe Baletit të Maqedonisë) në Shkup, nën organizim të ‘Bagi Komunikacii’.

 

Grupi Sintezis është një nga etno grupet më të famshme maqedonase dhe ballkanike, dhe këtë vit feston 25 vjet punë artistike. Me rastin e jubileut, të ftuar specialë të koncertit do të jenë Vlatko Stefanovski dhe Naum Petreski.


Sponsor i edicionit të 41 të Festivalit “Braqa Manaki” (Vëllezërit Manaki)

Tradicionalisht, për të tretin vit me rradhë, Banka është sponsor i edicionit të 41 të Festivalit ndërkombëtar të kamerës filmike "Braqa Manaki", i cili për shkak të kushteve dhe rrethanave të pandemisë së shkaktuar nga Covid - 19, këtë vit do të shënohet denjësisht me një ngjarje qëndrore në Manastir, më 19 shtator në Muzeun e Manastirit.

 

Me karakterin e tij ndërkombëtar dhe atributet e një ngjarje gala që tërheq elitën artistike, akademike dhe politike të vendit tonë dhe të rajonit, "Braqa Manaki" paraqet një ngjarje të rrallë shoqërore që tërheq vëmendje të madhe tek publiku vendas por edhe ai ndërkombëtar i filmit. Çmimi "Kamera e аrtë 300 për arritjet јеtësorе" këtë vit do t'i jepet fituesit të dyfishtë të Oskarit Jan Kaminski, i cili është edhe fituesi më i ri i këtij çmimi , ndërsa çmimi "Ylli i madh i SHPFM", që e jep Shoqata e punëtorëve të filmit të Republikës së Maqedonisë së Veriut , do t'i jepet regjisorit doajen Stole Popov.

 

Komercijalna Banka me kënaqësi qëndron pas këtij festivali tonë me renome, i cili me madhësinë dhe integritetin e tij është një ambasador i rrallë i kulturës maqedonase. Sidomos këtë vit në të cilin arti është në një pozitë të palakmueshme, Banka me shumë vendosmëri siguron mbështetjen e saj dhe mundëson që magjia e filmit të vazhdojë edhe më tej të shkëlqejë, në Manastir dhe në të gjithë vendin tonë.
 

26.08.2020 – Komercijalna Banka, sponsor zyrtar i KH “Vardar 1961”

Komercijalna Banka AD Skopje ka kënaqësinë e veçantë të njoftojë se është bërë sponsor zyrtar i KH “Vardar- 1961”, klubit të hendbollit maqedonas me më shumë trofe. Para fillimit të sezonit të ri, KH “Vardar” prezantoi fanellën për sfidat e ardhshme, e cila mban llogon e Komercijalna Banka.

 

Krenaria jonë e hendbollit ka treguar se me punë të mirë, marrëdhënie profesionale dhe dedikim të thellë nuk ka asnjë pengesë që nuk mund të kapërcehet. Këto janë vlerat që udhëheqin çdo ditë edhe Komercijalna Banka AD Skopje. Kjo i bën “Vardar” dhe Komercijalna Banka partnerë të natyrshëm. Së bashku hyjmë në suksese të reja dhe afirmim të sportit maqedonas.

 

Banka vazhdimisht është e përkushtuar të mbështesë kulturën dhe sportin maqedonas, duke njohur dhe inkurajuar histori suksesi që meritojnë jo vetëm skenën maqedonase, por edhe ato ndërkombëtare. KH “Vardar”  i ka fituar që të dyja, ndërsa me mbështetjen e Komercijalna Banka shkojmë drejt fitoreve të reja!
 
вардар
 

Sponsor i manifestimit “Nata Poetike në Velestovë”

Me qëllim të promovimit të kulturës në zonat rurale, dhe në të njëjtën kohë për të promovuar kulturën jashtë kufijve të Maqedonisë, organizohet manifestimi ndërkombëtar me titull "Nata Poetike në Velestovë".

Kjo ngjarje e cila mbahet për të 32-tën herë me radhë do të hapet më 21 gusht me performancën e “Skopje guitar trio”.

Edicioni i këtij viti i Manifestimit i kushtohet poezisë së Zoran Ançevskit, ndërsa në oborrin e kishës Shën Bogorodica në Velestovë, në të njëjtën mbrëmje do të hapet ekspozita e skulptorit akademik Dimitar Filipovski.
 

Sponsor i Festivalit “Për Petrovden të gjithë në mal“

Komercijalna Banka AD Skopje është sponsor i Etno festivalit të 13-të ndërkombëtar të këngëve vllahe të titulluar "Për Petrovden të gjithë në mal", i cili u mbajt më 15 gusht 2020, në malin Ponikva – Koçan, në organizim të grupit vllah të këndimit "Gramosteanj" nga Shkupi. 
 

Sponsor i Shoqatës “Viço”

Banka edhe këtë vit është sponsor i aktiviteteve të Shoqatës “Viço”, e cila është organizatore e manifestimit tradicional, me qëllim kryesor afirmimin, mbrojtjen dhe luftën për konfirmimin e individualitetit të popullit maqedonas dhe identitetit të tij socio-kulturor.

 

Ky takim tradicionalisht, u mbajt për të 40-tën herë, më 2 gusht 2020, në oborrin e kishës Shën Bogorodica në fshatin Tërnovë.
 

Sponsor i manifestimit “Marshi i Ilindenit 1978“

   

Komercijalna Banka AD Skopje është sponsor i Shoqatës së qytetarëve “Marshi i Ilindenit 1978” Shkup, e cila me rastin e festës së madhe kombëtare të Maqedonisë 2 gushti – Ilinden dhe 42 vjetori i marshit të parë të Ilindenit, në bashkëpunim me manifestimin “Dhjetë ditë Republika e Krushevës”, për të 20-tën herë e organizojnë marshin e njohur tradicional të Ilindenit me kuaj prej Shkupi deri në Krushevën e famshme .

 

Edhe këtë vit, Banka, si një kompani me përgjegjësi shoqërore, u përfshi në ruajtjen e traditave të Eposit të Ilindenit nga 1903-1944, si udhërëfyes për ruajtjen e qëllimeve të larta të popullit maqedonas dhe popujve të tjerë me mendje të hapur të Ballkanit për të zbatuar dhe inkurajuar parimet dhe proceset demokratike si përfitim më i madh i civilizimit njerëzor.


Për dhjetë vite me radhë vazhdon bashkëpunimi me Kryqin e Kuq të Republikës së Maqedonisë së Veriut

Komercijalna Banka AD Skopje edhe këtë vit vazhdoi bashkëpunimin e frytshëm me Kryqin e Kuq të Republikës së Maqedonisë së Veriut me qëllim të implementimit të përbashkët të programeve të dobishme shoqërore për të përmirësuar cilësinë e jetës së popullatës në komunitete. Banka do të mbështesë zbatimin e projektit "Socializimi më i mirë i fëmijëve dhe të rinjve me nevoja të veçanta".

Në fakt, ky është një mision dhe një përpjekje e përbashkët e të gjithë përkrahësve për zgjidhjen e problemeve sociale në vend dhe është në përputhje me angazhimet strategjike të Bankës në fushën e përgjegjësisë sociale.

Praktika e punës me përgjegjësi sociale ka qenë pjesë integrale e politikës së biznesit të Komercijalna Banka AD Skopje për shumë vite

 

Komercijalna Banka AD Skopje – sponsor i revistës “Premin”

Për disa vite me radhë, Komercijalna Banka AD Skopje është sponsor i revistës "Premin". Revista "Premin" me përmbajtjen e saj ndërton një lidhje mes anës shpirtërore dhe asaj reale të njeriut dhe e afirmon mendimin kulturor, historik dhe kishtar maqedonas. Zgjedhja e teksteve dhe mesazheve të kësaj reviste e përmban dimensionin e Ortodoksisë jashtë kufijve kombëtar dhe kulturor dhe është një shoqërues për këdo që përpiqet për transformim personal.


Banka sponsor i projektit të Shoqatës "Mandra"

Për të pestin vit radhazi, Komercijalna Banka AD Skopje sponsorizoi turneun e njëmbëdhjetë të futbollit të vogël të mbajtur me rastin e ditëlindjes së yllit të popit Toshe Proeski dhe e organizuar nga Shoqata e Biznesmenëve Vlleh nga Maqedonia "Mandra" nga Shkupi.

Në këtë ngjarje, e cila u mbajt në periudhën prej 24 deri në 26 janar 2020, në sallën sportive “Forca” në Shkup, pati edhe një hapësirë për një program kulturor dhe artistik, ku morën pjesë këngëtarë të shquar nga të gjitha kombësitë.




Një X dhe C R A 

Ueb faqja e Komercijalna Banka AD Skopje përdor biskotat (cookies). Biskotat (cookies) përdoren për të përmirësuar përvojën Tuaj të përdoruesit. Më shumë informata mbi mënyrën e përdorimit dhe mënyrën e ndryshimit të cilësimeve për përdorimin e biskotave mund të gjenden në dokumentin Politika për biskotat (cookies).
Pranoj