Контакт
contact@kb.com.mk

контакт центар:
(02) 3 296 800

Н О В О С Т И



14.11.2019 - Комерцијална банка по 14-ти пат спонзор на Фестивалот „Златно славејче 2019“


Комерцијална банка АД Скопје по 14-ти пат е спонзор на детскиот фестивал „Златно славејче“, кој годинава ќе се одржи по 49-ти пат. Од 22 до 24 ноември златните славејчиња повторно ќе застанат на сцената, во салата на Македонската филхармонија, и ќе ги отпеат своите хитови.

За таа цел се подготвени нови, досега необјавени детски композиции со придружна кореографија, кои децата и останатата верна публика ќе може да ги слушне во фестивалските денови.




06.11.2019 – Повторно лажна страница на Facebook со име “Komercijalna Banka AD Skopje”


Повторно се појави лажна страница на Facebook со име “Komercijalna Banka AD Skopje” која, како и претходно, објави лажна наградна игра со цел да наведе што повеќе лица на крајот да ги споделат своите лични податоци. Страницата е веднаш пријавена во Facebook.

 

Ве известуваме дека Комерцијална банка АД Скопје нема никаква врска со оваа активност и во моментов не организира никаква наградна игра преку Facebook и повторно ве советуваме да бидете исклучително внимателни кога ги споделувате вашите лични податоци додека сте на Интернет.

 

Банката ќе го пријави случајот во надлежните институции согласно позитивните законски прописи.
 
lazen facebook



04.11.2019 – Успешен настап на Комерцијална банка на спортските игри по повод Денот на штедењето


Вработените од Комерцијална банка АД Скопје имаа успешен настап на спортските игри одржани по повод Светскиот ден на штедењето. На турнирот, организиран од страна на Синдикатот на финансиски организации на Македонија (СФОМ) на 02.11.2019 година, Комерцијална банка освои прво место во одбојка (мешана екипа) и во пинг-понг (жени).

 

Во дисциплината куглање, претставниците на Комерцијална банка освоија второ место и во машка и во женска конкуренција. Екипата во мал фудбал, по поразот во полуфиналето, на крај се пласираше на четвртото место.

 

На турнирот учествуваа вработени од 13 финансиски институции во земјава. Eкипите се натпреваруваа во дисциплините: мал фудбал, одбојка мешани екипи, баскет мажи, куглање жени и мажи, пинг-понг жени и пикадо жени. Банката имаше натпреварувачки екипи во сите категории.
 
ДенНаШтедење



31.10.2019 – „Финансиска училница“ го одбележа Светскиот ден на штедењето на прославата на МБА


По повод Светскиот ден на штедењето – 31 Октомври, „Финансиската училница“ на Комерцијална банка АД Скопје беше презентирана на прославата организирана од Македонската банкарска асоцијација и од Фондот за осигурување на депозити. Манифестацијата се одржа во хотелот Холидеј Ин, а покрај свечениот момент, беше збогатена и со едукативен дел во кој учествуваа над 100 деца (ученици и студенти).
 

Тие беа запознати и со Европскиот квиз на парите, на кој годинава огромен успех забележаа двајца средношколци од гимназијата „Кочо Рацин“ од Велес освојувајќи го второто место во конкуренција на 28 држави. На учениците и студентите им беше порачано дека штедењето е добра навика, која им обезбедува побезгрижна иднина.

Претседателката на МБА и член на Управниот добор на Комерцијална банка АД Скопје, Маја Стевкова Штериева, на младите им порача дека треба да ја искористат секоја можност за да стекнат ново знаење, а на претставниците од банките да ја задржат младината во земјава.

На штандот на Комерцијална банка децата се запознаа со „Финансиската училница“, проект кој е дел од стратегијата на Банката за општествена одговорност, а кој има за цел да ја подигне финансиската писменост и свеста кај младите дека светот на личните финансии носи многу предизвици, но бара и голема одговорност и знаење. Децата беа информирани и за другите финансиски услуги што ги нуди Банката, како што се KomPaу апликацијата, Mastercard Wizz Air картичката, бесконтактното плаќање...

Традиционално, на одбележувањето на Светскиот ден на штедењето, Македонската банкарска асоцијација доделува и награди за највредните банкарски работници. Годинава ова признание им беше врачено и на тројца вработени во Комерцијална банка – Елена Аврамоска Мишкова, Бејда Адеми и Маријан Шамоски.
 
Ден на штедење
 
Ден на штедење
 
Ден на штедење



25.10.2019 - И оваа година „Верверичка“ ве наградува


 

Децата, како најголема вредност за семејството и за општеството, постојано се во фокусот на вниманието на Комерцијална банка АД Скопје. А  на 31 октомври Комерцијална традиционално, како општествено одговорна компанија, ќе донира средства на новородени деца.

 

По повод Светскиот ден на штедењето, Банката ќе им отвори штедни книшки – Детско штедење „Верверичка“ со износ од 5.000,00 денари и ќе им подари штедни касички на сите деца кои ќе се родат на 31 октомври од 00:00 до 24:00 часот во Скопје и во други градови во Републиката во кои Банката има свои филијали и/или експозитури.

 

За да ги добијат донираните средства, законските застапници на децата родени на  31.10.2019 треба да ги достават потребните документи во Комерцијална банка најдоцна до 31.12.2019 година. Пред да ги достават документите на шалтерите на Банката во Скопје и во други градови, треба да извршат регистрација на нивните деца како даночни обврзници во најблиската регионална дирекција на УЈП, согласно процедурите пропишани од УЈП. Во спротивно Банката нема да биде технички во можност да изврши исплата на средствата.




21.10.2019 - Тимот на Комерцијална банка со прво место на Business Run 2019!


Тимот на Комерцијална банка АД Скопје го освои првото место на штафетната трка „Business run 2019“, која се одржа на 19 октомври на Градскиот кеј во Скопје.

Честитки за колегите:

 

- Миомир Алексовски (Сектор за ликвидност и финансиски пазар)

- Снежана Димовска (Експозитура Автокоманда)

- Маријан Шамоски (Сектор за работа со население)

- Бобан Нефовски (Сектор за работа со население)

 

Патеката од осум километри (4х2 километри) тимот на Комерцијална банка ја истрча со одлично време од 29,14 минути, а убедливо првата позиција ја имаше во текот на целата трка. Второпласирани беа вработените во Fitness & Spa PARK, а на трето место завршија вработените во Македонски телеком.

На „Business run 2019“ учествуваа 400 вработени од 96 компании, институции, здруженија, дипломатски претставништва и други субјекти кои припаѓаат на деловно-општествената заедница. Меѓу другите, учествуваа и сите банки и штедилници.

Честитки за нашите извонредни колеги! Со својот успех ја покажаа важноста на тимската работа.

 

1

 

2

 

3

 




17.10.2019 – Оглас за вработување во Експозитура Радовиш


Комерцијална банка АД Скопје објавува оглас за вработување на 1 (еден) извршител на позиција Соработник во Експозитура Радовиш на неопределено работно време.

Потребни квалификации и способности:

·         Завршен Економски факултет со најмалку 180 кредити според ЕКТС или VII/1 степен,

·         Работно искуство најмалку 2 години,

·         Познавање на англискиот јазик и работа со компјутери,

·         Комуникациски и организациски вештини, ориентираност кон клиенти, способност за тимска работа и професионално однесување.       

 
Предност ќе имаат кандидатите кои имаат работно искуство од областа на банкарско работење.
 

Работно време: 40 часа неделно, организирано во две смени во рамки на работното време на Експозитурата, од понеделник до петок од 08:30 до 16:30 часот и во сабота од 08:00 до 13:00 часот.

 

Почетна основна нето-плата: 27.300,00 денари.
 
Огласот трае заклучно со 25.10.2019 година. Изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавени кандидати.
 

Заинтересираните кандидати кои ги исполнуваат горенаведените критериуми треба да пратат кратка биографија (CV), мотивациско писмо и копија од Диплома за завршено високо образование на следната адреса: Сектор за човечки ресурси и општи работи, Комерцијална банка АД Скопје, ул.Орце Николов бр.3, 1000 Скопје, или на e-mail адреса vrabotuvanje@kb.com.mk со назнака: Oглас за вработување во Експозитура Радовиш.

                                                                 

Лице за контакт: Меглена Димитрова тел.: 3-168-412

                                                                  

Некомплетната документација и документацијата доставена по истекот на рокот за аплицирање, нема да бидат разгледувани.

На интервју ќе бидат повикани само апликантите кои ќе влезат во потесен круг.


16.10.2019 – Вработените во Комерцијална банка хумани, како и секогаш


По повод Светскиот ден на гладта (16 Октомври), вработените и менаџментот во Комерцијална банка АД Скопје и оваа година донираа прехранбени производи на ранливи групи граѓани.

Со несебична поддршка и помош од вработените, Комерцијална банка обезбеди 28 пакети храна, кои беа дистрибуирани до социјално загрозените семејства и поединци во соработка со Црвениот крст.

Како општествено одговорна компанија, Комерцијална банка АД Скопје со оваа акција дава свој придонес за намалување на сиромаштијата  и за подигање на свеста за потребата од поголема грижа за квалитетот на животот во нашето општество.

 
sl 1

 

sl 2






А Р Х И В А