Kontakt
contact@kb.com.mk

contact center:
(02) 3 296 800

L A J M E



08.04.2019 – Njoftim për faqe dhe lojë shpërblyese të rremë në Facebook


Gjatë fundjavës që kaloi, u shfaq një faqe e rremë në Facebook me emrin "Komercijalna Banka AD - Shkup", e cila në mënyrë të pandershme u përpoq të mbledhë të dhënat personale nga disa përdorues në këtë rrjet social. Faqja e rremë u vërejt dhe u mënjanua menjëherë.

 

Ju njoftojmë se Komercijalna Banka AD Skopje nuk ka të bëjë fare me këtë aktivitet dhe për momentin nuk organizon asnjë lojë shpërblyese përmes Facebook-ut. Ju këshillojmë që të jeni jashtëzakonisht të kujdesshëm kur ndani të dhënat tuaja personale gjatë kohës që jeni në internet.

 

Për shkak të peshës së kësaj vepre, Banka do ta raportojë rastin tek institucionet kompetente në përputhje me rregulloret pozitive ligjore.




27.02.2020 – Komercijalna Banka edhe këtë vit sponsor i përgjithshëm i “Karnavalit të Strumicës”


Komercijalna Banka AD Skopje, edhe këtë vit është Sponsor i përgjithshëm i manifestimit “Karnavali i Strumicës”, i cili tradicionalisht mbahet në kuadër të "Festimeve të Trimerit" (festa e vajzave të fejuara).

 

Mbrëmja kryesore e Karnavalit të 30-të jubilar do të mbahet më 29 shkurt 2020, ku pritet të marrin pjesë mbi 2.000 persona të maskuar dhe mbi 30.000 vizitorë nga Maqedonia dhe nga vendet fqinje.

 

“Karnavali i Strumicës” është shpallur dy herë si Superbrend në vend. Manifestimi rekomandohet gjithashtu në numrin e specializuar të kompanisë ajrore WIZZ Air, ndërsa  Revista kulturore e Këshillit të Evropës e rendit atë në rradhët e karnevaleve më atraktive evropiane. Revista e specializuar e kompanisë ajrore sllovene Adria “Në ajër” (Во воздух), e rradhit karnevalin e Strumicës në shtatë eventet më emocionuese dimërore në Evropë, ndërsa është shpallur nga revista "Arabian travel" si një nga 20 top karnavalet e rrugëve në botë.


25.02.2020 – Vendi i dytë për Bankën Komercijale në sllallomin humanitar  (në kategorinë për burra) në Mavrovë


Kile Soleski nga Komercijalna Banka AD Skopje e fitoi vendin e dytë në sllallomin humanitar amator në konkurrencë prej 84 garues nga kompani të ndryshme në vend. Kjo ngjarje, për të 18-tën herë, u organizua nga Qendra e skijimit “Zare Llazarevski” në Mavrovë nga 21 deri në 23 shkurt.

 

Këtë vit, mjetet e mbledhura financiare iu dhuruan organizatës "PAWSITIVE IMPACT", projekti për të ndihmuar kafshët e pastreha, nën implementim të  Fondacionit Impact, organizatë jofitimprurëse AMOS Shelter dhe Komuna e Mavrovës dhe Rostushës. Në sllallomin humanitar këtë vit u mblodhën 852.000 denarë nga kotizimet, ndërsa morën pjesë një numër rekord i skiatorëve - 71 ekipe me 213 konkurrentë në kategoritë: vajza, burra deri në 40 vjeç, burra mbi 40 vjeç dhe disiplina Snowboard.

 

Komercijalna Banka AD Skopje u përfaqësua nga 4 ekipe me 12 skiatorë. Në garën finale në kategorinë meshkuj mbi 40 vjeç, u kualifikuan dy punonjës, ku Soleski përfundoi në piedestal dukë zënë vendin e 2-të, ndërsa Robert Urosheviq vendin e  10-të. Ky është një sukses shumë i madh për Soleskin pasi ai renditet i dyti edhe në garën për ish-skiatorë profesionistë. Ndërsa Banka konfirmoi edhe njëherë që është gjithmonë e gatshme të mbështesë organizatat dhe individët që kanë nevojë për të.

 
mavrovo
 
mavrovo
 
mavrovo



10.02.2020 – Konkurs për punësim në Filialin në Prilep


Komercijalna Banka AD Skopje shpall konkurs për punësim të 2 (dy) ekzekutuesve në pozitën: Bashkëpunëtor më i ri për qarkullimin pagesor në vend dhe punë me popullsinë (arkëtar) në Komercijalna Banka AD Skopje – Filiali Prilep me marrëdhënie të caktuar pune prej 12 muajsh, me mundësi të vazhdimit të Kontratës për punësim.

 

Shkathtësitë dhe kualifikimet e nevojshme:

  • Të kenë të mbaruar Fakultetin Ekonomik, me të paktën 180 kredi sipas Sistemit Evropian për Transfer të Kredive (SETK) ose shkallën VII/1,
  • Pa përvojë pune,
  • Ta njohin gjuhën angleze dhe të dinë të punojnë me kompjuterë,
  • Të kenë aftësi komunikative dhe organizative, orientim ndaj klientëve, aftësi për punë ekipore dhe sjellje profesionale. 

 

Orari i punës: 40 orë në javë, e organizuar në dy turne në kuadër të orarit të punës së Filialit, nga e hëna deri të premten: nga ora 08:00 deri në orën 17:00, dhe të shtunën nga ora 08:00 deri në orën 13:00. 

 

Rroga (neto) fillestare bazë:  19.200,00 denarë.

Konkursi do të jetë i hapur deri në 18.02.2020. Përzgjedhja e kandidatit do të realizohet në afat prej 45 ditësh nga dita e kalimit të afatit të konkursit, në varësi prej numrit të kandidatëve të paraqitur.

Kandidatët e interesuar, që i plotësojnë kriteret e lartshënuara, duhet të dorëzojnë një biografi të shkurtër (CV), letër motivimi dhe kopje të Diplomës për shkollimin e kryer në adresën në vijim: Sektori për burimet njerëzore dhe punë të përgjithshme, Komercijalna Banka AD Skopje, Rr. Orce Nikollov nr. 3, 1000 Shkup, ose në e-mail adresën vrabotuvanje@kb.com.mk me titull: “Konkurs për punësim në Komercijalna Banka AD Skopje – Filiali Prilep”.

 

Personi për kontakt: Meglena Dimitrova tel.: 3-168-412

                                                                   

Dokumentacioni i pakompletuar dhe dokumentacioni i dorëzuar pas kalimit të afatit të aplikimit nuk do të shqyrtohet.

Në intervistë do të ftohen vetëm aplikantët që do të hynë në rrethin më të ngushtë.


03.02.2020 – Banka Komercijale ju mirëpret në ekspoziturën e parë plotësisht të digjitalizuar


Ekspozitura e parë e parë plotësisht e digjitalizuar e Komercijalna Banka AD Skopje gjendet në rr. Maqedonia në Shkup dhe punon 24 orë në ditë, çdo ditë të vitit.

 

Është e pajisur me bankomate dhe me kioskat më të fundit digjitale për pagesën e faturave pa para të gatshme, të cilat funksionojnë 24/7. Në këtë ekspoziturë Ju mund të tërhiqni ose depozitoni paratë e gatshme në çdo kohë të ditës, të shkëmbeni euro në denarë, të paguani faturat për shërbime publike, si dhe të shtypni certifikatë të llogarisë së transaksionit për person fizik për të cilën keni parapagesë në Internet Bankën.

 

Ekspozitura ofron një komoditet të shkëlqyeshëm, është vazhdimisht nën video-mbikëqyrje dhe është përshtatur edhe për personat me aftësi të kufizuara. Hyrja në ekspoziturë është e mundësuar me të gjitha kartat bankare, dhe shërbimet mund të përdoren si nga klientët tanë, ashtu edhe nga klientët e bankave tjera vendase ose të huaja.
 
digitalna eksp.
 
digitalna eksp.
 
digitalna eksp.
 
digitalna eksp.
 
digitalna eksp.
 
digitalna eksp.
 
digitalna eksp.
 
digitalna eksp.
 
digitalna eksp.
 






Një X dhe C R A