Почетна страна  Мапа на сајтот  Контакт  Прашања  Поплаки и пофалби 

македонски | English | shqip

• ЗА НАС
• ФИЗИЧКИ ЛИЦА
• ПРАВНИ ЛИЦА

Основни информации за кредитите за правни лица

Комерцијална банка АД Скопје посебно внимание обрнува на кредитната подршка на правни лица. Во Банката ќе добиете советодавна, квалитетна и ефикасна услуга од нашиот стручен тим кој ќе Ви помогне во реализацијата на Вашите барања.

• Процедура на одобрување
• Рок на отплата
• Провизии и останати трошоци
• Потребна документација
• Лица за контакт

Процедура на одобрување

По поднесување на барањето за кредит, Банката прави формален преглед дали е комплетна документацијата. Доколку документацијата е комплетна, барањето се обработува, при што се оценува бонитетот на барателот и планираната зделка за која се наменети средствата.

Информациите за комитентот, подносител на барањето за кредит, Банката ги обезбедува од самиот комитент и од сопствени извори.

Комитентот во разумен рок е информиран за поднесеното барање со известување дали бараниот кредит е одобрен или не.

На врвот ^

Рок на отплата

Максималниот рок на отплата на кредитите може да биде до 10 години со вклучен грејс период од 2 години.

На врвот ^

Провизии и останати трошоци

На искористениот износ на кредит, Банката наплатува еднократен надомест во висина од 0.05 % до 1.5% зависно од видот на кредитот, рокот на враќање на кредитот и изворот на средствата за кредитот.

Надомест за проценка на вредноста на недвижниот имот (повеќе на линк).

Надомест за издавање согласности поврзани со имот врз кој е воспоставено заложно право во корист на банката (повеќе на линк).

На врвот ^

Потребна документација

1. Барањето за кредит треба да ги содржи следните елементи:

• Полн назив на претпријатието;
• Адреса на претпријатието;
• Основачи и органи на управување;
• Доколку основачите се основачи во други друштва, да се наведат друштвата и процентот на учество во капиталот на друштвото;
• Управување во други друштва;
• Шифра на дејност;
• Матичен број;
• Број на жиро-сметка/сметки;
• Деловна банка/банки;
• Намена и износ на бараниот кредит со образложение;
• Основна дејност;
• Организациона поставеност;
• Број на вработени и квалификациона структура;
• Техничко-технолошка опременост и искористеност на капацитетите;
• Асортиман на производство прикажан во физички и во вредносен обем;
• Склучени договори за работа;
• Спецификација на поголеми купувачи и добавувачи;
• Извештај за состојбата на залихите;
• Задолженост во други банки и финансиски организации;
• Преземени идни обврски (акредитиви, гаранции и сл.);
• Опис на понуденото обезбедување;
• Извори на отплата (CASH FLOW);
• Склучени извозни договори и очекувани девизни приливи по извршен извоз;
• План на девизни приливи и одливи.

За долгорочните кредити е потребно доставување на инвестициона програма со финансиски превидувања за периодот на отплата на кредитот.

2. Копии од решението за регистрација на друштвото со сите прилози*;
3. Картон за депонирани потписи заверени од матичната банка*;
4. Известување за претежна дејност на друштвото*;
5. Промет на денарски и девизни сметки на комитентот во други банки;
6. Завршни сметки за последните 2 години и периодична пресметка (за потребите на Банката);
7. Девизен биланс – структура на побарувања и обврски од странство прикажани по валути и рокови на доспевање за наплата, односно плаќање;
8. Ревизорски извештаи за друштва кои се законски обврзани да изготвуваат вакви извештаи;
9. Список на целокупниот имот со кој располага барателот на кредит (недвижен и повижен), потпишан од барателот;
10. Доказ за сопственост на понуденото обезбедување:
      10.1. Имотен лист за недвижен имот;
      10.2. Фактури, УЦД за залог на опрема.

* само за оние клиенти кои немаат отворено жиро-сметка во Комерцијална банка АД Скопје

На врвот ^

Лица за контакт