Контакт
contact@kb.com.mk

контакт центар:
(02) 3 296 800

СПОНЗОРСТВА И ДОНАЦИИ


Комерцијална банка како водечка банка во Република Северна Македонија активно е вклучена во развојот и благосостојбата на нацијата, луѓето и здравата и чиста животна средина преку поддржувањето на широк спектар на организации, активности и настани, а со цел да се промовираат и прослават успехот, иновациите, напредокот во следниве области:

  • Спорт;     
  • Уметност;     
  • Научно-истражувачка и издавачка дејност и конференции;     
  • Општествени/социјални;     
  • Медиуми;     
  • Простории;     
  • Доколку сакате да аплицирате за спонзорство пополнете го следното барање за спонзорство.


2021


Комерцијална банка ја поддржува македонската музика

 

muzika
 

Oд 31јули до 2 август Охрид ќе биде центарот на македонската музика, каде што  овие три дена ќе се одржи фестивалот „Аларм“ со настап на десетици музички имиња од земјава.

 

Препознавајќи ја вредноста на домашното музичко творештво, Комерцијална банка обезбеди поддршка за фестивалот чие мото е „Македонија сака/има музика“. Ова е уште еден придонес на Банката за македонската музичка уметност, која во последниве две години се соочува со сериозни предизвици заради ограничувањата наметнати од пандемијата со вирусот Ковид-19.


Спонзор на Фестивалот „За Петровден сите на планина“

 

Комерцијална банка АД Скопје е спонзор на четиринаесеттиот Меѓународен етнофестивал на изворни влашки песни насловен „За Петровден сите на планина“, кој ќе се одржа на планината Пониква крај Кочани на 10.7.2021 година за време на верскиот празник Петровден а во организација на влашката пејачка група „Грамостеањ“ од Скопје. На овој фестивал ќе земат учество повеќе солисти и пејачки групи.

 

Следејќи ја својата определба за општествена одговорност, Комерцијална банка и овој пат со задоволство застана во поддршка на вистинските уметнички вредности кои го збогатуваат културниот живот во земјава.
 

Спонзор на Здружението „Вичо“

 

Банката и оваа година е спонзор на активностите на Здружението „Вичо“, кое е организатор на традиционалната манифестација чија основна цел е афирмација, заштита и борба за потврдување на самобитноста на македонскиот народ и неговиот социо-културен идентитет.

 

Оваа средба традиционално ќе се одржи по 41-ви пат на 2.8.2021 година во потпелистерското село Трново – храмот на Света Богородица.


Комерцијална банка спонзор на концертот на Камерниот оркестар „Скопски солисти“

 
Во правец на својата посветеност за поддршка на вистинските вредности, Комерцијална банка преку уште едно спонзорство застана на страната на вистинската уметност.
И оваа година Банката со големо задоволство ја дава својата поддршка на Камерниот оркестар „Скопски солисти“ за реализација на концертот кој ќе се одржи на 19 јуни во Домот на АРМ. Концертот насловен како „Подиум на млади“ ќе биде под диригентската палка на маестро Иван Еминовиќ, а ќе настапат и Милена Арсова, сопран, и Софија Никоска, виолина.
 
kameren
 
kameren
 

Комерцијална банка спонзор на 40-от јубилеен „Мал битолски Монмартр“

 

монмартр

 
Детскиот ликовен фестивал „Мал битолски Монмартр“, кој постигна светска слава, годинава го одбележува 40-то јубилејно издание. Комерцијална банка со гордост објавува дека и годинава традиционално беше спонзор на младите ликовни уметници, кои во Битола секоја година создаваат уметничко творештво од светски ранг.

 

„Мал битолски Монмартр“ се одржа од 23-30 мај во Битола, а беше реализиран во согласност со препораките и мерките за заштита на здравјето во услови на пандемија од вирусот Ковид-19.

 

Традиционално детскиот ликовен фестивал „Мал битолски Монмартр“ претставува светска културно-образовна манифестација, која го развива детското ликовно творештво преку учество на млади ликовни таленти од сите меридијани. Оваа манифестација е веќе етаблирана на уметничката сцена и дава огромен придонес за афирмација на земјава. Препознавајќи го императивот да се поттикнуваат и поддржуваат младите уметници, Комерцијална банка со години е партнер на „Мал битолски Монмартр“ затоа што тука, меѓудругото, се создава и се гради дел од националната уметничка ризница.

 


Комерцијална банка, Генерален покровител на наградата „Роман на годината“ за 2020

 

sl   

 

Комерцијална банка и оваа година имаше чест да биде Генерален покровител на значајната награда „Роман на годината“ за 2020 година, која му беше врачена на Владимир Јанковски за неговото дело „Скриени желби, немирни патувања“, во издание на „Антолог“.

 

Оваа веќе традиционална и престижна награда од областа на домашното културно творештво ја доделува Фондацијата за промоција и унапредување на културата „Славко Јаневски“. Нејзината вредност е дотолку поголема бидејќи се доделува на роман кој е за првпат објавен, со што придонесува за афирмација на македонската романсиерска продукција и за поддршка на домашните автори.

 

Годинава, за наградата одлучуваше жири-комисија во состав: Оливера Николова (лауреат за 2019 година), Зоран Анчевски, Калина Малеска, Живко Гроздановски и Катерина Богоева.

 

„Литературата и раскажувањето приказни ни се потребни бидејќи прикажуваат дека животот е полн со нијанси, не е црно-бел, туку полн со различни перспективи. Треба сите да се потрудиме литературата и уметноста да допрат до нашите сограѓани бидејќи така создаваме посложена перспектива за животот што н? опкружува. Затоа приказните и литературата се многу битни“, изјави лауератот Јанковски при доделувањето на наградата.

 

Банката е генерален покровител на наградата „Роман на годината“ од 2017 година, при што обезбедува парична награда во вредност од 150.000 денари за лауреатот и уште 183.000 денари за паричен надоместок на членовите на жири-комисијата.

 

sl2

 


Продолжена соработката со Црвен крст на Македонија

 

Комерцијална банка АД Скопје 11 години во континуитет има плодна соработка со Црвениот крст на Република Северна Македонија како Генерален покровител на проектот „Подобра социјализација на децата и младите со посебни потреби“.

 

Со вклучувањето во овој проект Банката, како општествено одговорна компанија, им овозможува на децата и младинците со посебни потреби да ги развијат здравиот дух и креативниот капацитет, дополнително да се едуцираат и целосно да се интегрираат во општеството.

 

Продолжувањето на соработката со Црвениот крст и поддршката на овој проект ги потврдува напорите на Банката за долгорочен и систематски пристап кон подобрување на положбата на ранливите групи во заедницата.

 


Комерцијална банка и Mastercard® со донација од 10.000 евра за помош и грижа на деца со аутизам

25denadonacija

 
Новогодишните и Божиќните празници оваа година, како никогаш досега, ни ги предочија семејните вредности, почитувањето и одговорноста, бесценетоста на помагањето и на грижата за другите. Но, хуманите вредности и општествената одговорност се дел од принципите на деловната практика на Комерцијална банка во континуитет. Ние помагаме за сите да победиме.

 

Со истата мисија Комерцијална банка ја започна и новата година, а грижата и помошта овој пат се наменети за децата со аутизам. Банката и Mastercard® во својот проект по повод 25 години соработка обезбедија донација во вредност од 612.308 денари за четири здруженија кои се грижат за помош и поголема инклузивност на децата со аутизам. Финансиска помош добија Македонското научно здружение за аутизам, Здружението на граѓани за третман на лица со Аутизам, АДХД и Аспергеров синдром „Во мојот свет“, Здружението за унапредување на квалитетот на животот на лицата со нарушувања од спектарот на аутизам „Сина светулка“ и Македонската асоцијација за Бочија Штип, за реализација на проекти кои треба да им помогнат на децата со аутизам и на нивните родители полесно да се справат со состојбата во која се наоѓаат, особено во услови на пандемија.

 

Хуманиот проект беше спроведен по повод 25 години од издавањето на првата Mastercard картичка од Комерцијална банка, која воедно беше и првата Mastercard картичка во нашата земја. Kампањата „Комерцијална банка и Mastercard® - Заедно за нешто бесценето“ се реализираше во периодот од 15 декември до 8 јануари. Додека нашите клиенти уживаа во празничното пазарување, ние за секоја нивна трансакција направена со картичките Mastercard од Комерцијална банка на продажни места или он-лајн од сопствени средства издвојувавме за донација за деца со аутизам.
 

Комерцијална банка спонзор на новиот албум на Влатко Стефановски

 

влатко

 

 

Музиката и задоволството секогаш доаѓаат во пар. Овој пат, музиката ни ја донесе нашата легенда Влатко Стефановски, кој пред македонската публика го покажа својот најнов албум „Taftalidze Shuffle“, а задоволството беше наше како  спонзор на ова најново музичко дело на гитарскиот виртуоз. Он-лајн промоцијата на албумот се одржа во просториите на книжарницата Литература.мк во ТЦ Сити мол во Скопје, на која беше прикажан и видеоспотот на темата „Огледало“. Во очекување на промотивен концерт, уште еднаш испраќаме честитки до нашиот виртуоз Влатко Стефановски.   


А Р Х И В А 

Веб-страницата на Комерцијална банка АД Скопје користи колачиња (cookies). Колачињата (cookies) се користат за подобрување на Вашето корисничко искуство. Повеќе информации за начинот на користење и како да ги промените Вашите подесувања за користење на колачињата, може да најдете во документот Политика за колачиња (cookies).
Прифаќам